Македонија

Камбовски вели дека не се сеќава дали судијата Ристов бил пријавуван за примање мито

Имало предмет за Ристов, но не за мито

2 минути за читање

Претседателот на Судскиот совет, Александар Камбовски, не знае точно колку пријави или претставки досега биле поднесени против скопскиот апелациски судија Ѓоко Ристов, кој е под истрага на Обвинителството откако во домот на неговите родители во Неготино беа пронајдени соѕидани 350 000 евра, за кои постои сомневање дека се нелегално стекнати. Камбовски не се сеќава ниту дали некоја од претставките против Ристов била за земање мито.

„Видете, во Судскиот совет има безброј претставки. Од прва, јас не се сеќавам конкретно дека имало претставка за земање мито или нешто слично. Еден пример, колку што се сеќавам, се водеше за негово неизземање во предмет, а требало да биде изземен. А вакви конкретни… сега не можам да се сетам. Ќе ви одговориме официјално, не сакам да испадне дека имало некоја претставка, а јас во моментов да не се сеќавам и да ви дадам неточна информација“, изјави Камбовски пред денешната седница на Судскиот совет.

https://expres.mk/makedonija/sudskiot-sovet-mu-go-odzede-imunitetot-na-sudijata-gjoko-ristov-se-bara-i-kukjen-pritvor/

На новинарско прашање дали против Ристов биле поднесувани пријави од страна на негови колеги судии од Апелацискиот суд, Камбовски вели дека немало такви пријави.

„Од негови колеги, од Апелација досега немало пријава во Судскиот совет. Имало можеби претставки, имало анонимни претставки, меѓутоа од колеги, од колеги судии – не“, изјави Камбовски.

https://expres.mk/makedonija/kje-se-proveruva-bitolskiot-sud-koj-go-pushti-markovski-od-pritvor-so-garancija-od-rechisi-5-milioni-evra/

За случајот со Ристов додаде дека Судскиот совет постапил согласно барањето на Основниот кривичен суд Скопје и му го одзел имунитетот на апелацискиот судија за да може да се спроведе предлогот на Обвинителството и да му бидат одредени куќен притвор и мерки на претпазливост.

Поврзани теми:

мито|топ|судија|Судски совет|корупција

Повеќе на оваа тема:

Најнови вести од: Македонија

Милошоски: Потребна е искрена и остварлива европска понуда за проширувањето

Во Скопје се одржа панел-дискусија на тема „Од визија до геополитички одговор: Проширувањето на ЕУ во новата геополитичка реалност“, организирана од Вилфред Мартенс центарот и Фондацијата Конрад Аденауер, по повод Денот на Европа 2026 година. На конференцијата со наслов „Седум децении подоцна: Од визијата на Шуман до новите геополитички предизвици на Европа“ поздравно обраќање имаше политичкиот врв.

Гаши: Во трка сме со времето во однос на членството со Европската унија

Претседателот на Собранието, Африм Гаши, на трибина организирана од Европското движење, порача дека сме во трка со времето околу членството во ЕУ и се плаши – дека ќе го изгубиме. Според Гаши, нема никаква корист од изнаоѓање виновници околу блокадата на евроинтеграцијата и тој преферира да најдеме пат, т.е. решение и да стигнеме до целта.

Муцунски: Европските пари и се и повеќе од потрребни на Македонија

Планот предвидува интеграција на партнерите во Единствениот европски пазар, унапредување на регионалната економска соработка, забрзување на реформите поврзани со европските стандарди и зголемување на претпристапната финансиска поддршка. Според Европската Унија, ова треба да придонесе за побрз процес на проширување и економски раст во регионот.

Нова шанса за Македонија: Маѓар и Туск предлагаат „Вишеградската група“ да се прошири со земјите од Западниот Балкан, кои не се уште дел на ЕУ!

Премиерите на Унгарија и Полска предлагаат „нова оска за Европа“ – „Вишеградската група“ плус Западниот Балкан, оние држави, кои уште не се во ЕУ, што е нова шанса за македонската евроинтеграција, бидејќи Македонија токму од „Вишеградската група“ добива најмногу вистинска поддршка не само за влегувањето во „евроклубот“, туку и поддршка, која се спротивставува на „добрососедските“ условувања и уценувања за идентитетско-историски отстапки! Новиот премиер на Унгарија заедно со премиерот на Полска најавија дека ќе дејствуваат како „една тупаница“ во Европската Унија. 

Македонија добива 65,7 милиони евра од ЕУ за развој на државата

Европската комисија одобри 65,7 милиони евра за Македонија во рамките на Инструментот за реформи и раст. Тоа е највисок износ меѓу земјите од регионот во овој циклус на исплати. За споредба, за Албанија се одобрени 49 милиони евра, а за Црна Гора 44,2 милиони евра.

Македонија најнапредна во реформската агенда од сите во регионот, затоа ЕУ ѝ додели најмногу пари – 65,7 милиони евра!

Македонија доби најмногу пари од кандидатите за ЕУ. Европската комисија денес стави на располагање 49 милиони евра за Албанија, 44,2 милиони евра за Црна Гора и 65,7 милиони евра за Македонија од „Програмата за реформи и раст“. Ова следува по третото барање за исплата и позитивната оценка на Комисијата за спроведените реформски чекори во областите на деловната конкурентност и иновациите во Албанија и Црна Гора, како и образованието и дигитализацијата во Македонија. Со ова Европската комисија ја испрати една од најпозитивните пораки за Македонија во последните години, оценувајќи дека земјата покажува сериозен напредок во спроведувањето на реформите поврзани со европскиот План за раст за Западен Балкан. Во документот објавен од Брисел, Македонија практично е издвоена како еден од најподготвените партнери во регионот кога станува збор за исполнување на реформските обврски и користење на европските фондови. Во време кога земјитe-кандидатки за влез во ЕУ се заложници на билатерални спорови, особено Македонија, Европската комисија индиректно порачува дека реформскиот капацитет на Македонија не е спорен.

(Видео): Како изгледаат половина милион евра кеш сокриени во комбе – ги најде кучето од Царина

Царинските службеници забележале преправки на возилото, по што е ангажирано царинско куче, кое сигнализирало можност за криумчарење токму на сомнителното место. Сомнежите дополнително се потврдени по скенирање на возилото од страна на Службата за мобилни скенери. По демонтажа на дел од конструкцијата, инспекторите откриле 500 000 евра во кеш, сокриени во специјален простор во возилото.
Сите вести од Македонија

Најнови вести

To top