Претседателката Гордана Сиљановска-Давкова денеска, на проштална средба ја примила амбасадорката на Соединетите Американски Држави, Анџела Прајс Агелер.
На средбата обете потврдиле дека двете земји, како долгогодишни сојузници, негуваат цврсто пријателство коешто почива на заемна почит и разбирање.
,,Амбасадорката Агелер ми честиташе за изборот на двете членки на Судскиот совет, оценувајќи го изборот како значаен чекор кон реформирање на ова важно правосудно тело.
Во име на македонските граѓани ѝ се заблагодарив на амбасадорката за нејзиниот придонес во продлабочување на соработката и зацврстување на стратешкото партнерство”, објави претседателката која пренесува дека и по заминувањето од Скопје, амбасадорката Агелер ќе продолжи да ја помага земјата во којашто поминала значаен дел од кариерата, за што добила благодарност од Сиљановска-Давкова која и посакала понатамошни професионални успеси.
