Дали зад денешното соопштение на владеачката ВМРО-ДПМНЕ за лидерот на Алијансата за Албанците Арбен Таравари се крие огромен удар со кој лекарот ќе се соочи наскоро.
Од соопштението може да се заклучи дека зад заминувањето на Таравари од владата стојат матни зделки и обврски кои Таравари ги преземал Таравари во врска со албанската инвестиција Ѓока која ја поништи премиерот Мицкоски.
„Таравари не излезе од Владата поради грижа за правата на Албанците, одговорите нека ги побараат во обврските преземани за инвестицијата Ѓока“, реагира ВМРО-ДПМНЕ.
„Алијанса на Албанците на Арбен Таравари треба да научи дека кога неосновано критикуваат и измислуваат, притоа ставаат зборови во уста кои не биле кажани од премиерот Мицкоски, ќе добијат аргументиран и издржан одговор“, реагира ВМРО-ДПМНЕ на соопштението на Алијансата за Албанците.
„А вистината зошто излегоа од Владата не се крие во грижата на Таравари за Албанците ниту пак борбата за некакво подобрување на нивните права.
Вистината е многу едноставна и болна.
Членовите и заинтересираните за вистината одговорите нека ги побараат во една инвестиција на Таравари што се вика Ѓока. Какви обврски превземал и какви услови прифатил. Тоа не е наш проблем. Оставаме сами да си ги решат“, се додава во реакцијата на ВМРО-ДПМНЕ.
Таравари од владата замина кратко време по скандалот со албанската компанија Ѓока која ги доби на концесија паркинзите на Скопскиот клинички центар на огромен период со плаќање на мала сума пари.
На социјалните медиуми се шпекулираше со одредени апартмани во една соседна држава кои што биле неформален дел од пропаднатиот договор со албанската инвестиција но таа информација досега не е е потврдена ниту е процесирана од обвинителството и други инвестиции.