Македонија

Кој е мистериозниот извршител на Ременски во АНБ со иницијали П.Б.

Оперативецот ги знае сите кодоши и детали од следењето на Мицкоски, Николоски и новинарите

2 минути за читање

Во емисијата,,Летна Политика” на Радио Лидер уредникот Љупчо Златев посочи лице од Агенцијата за национална безбедност (АНБ) кое бил главниот извршител на активностите при незаконско следење на премиерот Христијан Мицкоски, вицепремиерот Александар Николовски, обвинителката Вилма Русковски, новинари и други лица.

Лицето со иницијали П.Б. оперативно ги извршувал насоките од високиот функционер во АНБ Јовче Ременски инаку сопруг на екс пратеничката на СДСМ Фросина Ременски.

Вчера екс шефицата на Обвинителството за организиран криминал Вилма Русковска изјави дека таа била следена од АНБ додека водела истрага за Фросина Ременски.

Лице со такви иницијали кое има сопруга од дипломатските кругови , како што посочи Златев во емисијата, постои во Агенцијата потврдуваат извори на expres.mk и тоа лице се уште е дел од АНБ.

Против лице со вакви иницијали нема покренато никаква дисциплинска одговорност а нема информации дали негово име се наоѓа во поднесокот од АНБ до Јавното обвинителство каде се истражува случајот.

За ова лице извори во безбедносни структури блиски на  опозицијата велат дека е главниот оперативец кој ги знае сите детали, вклучително и кодошите врз основа на кои биле следени премиерот, вицепремиерот, обвинителката, новинари и други лица.

Скандалот со следење политичари и новинари може да доведе до високи казни за инволвираните од кои еден е екс директор на агенцијата.

Ваквото сценарио сега зависи од Јавното обвинителство за гонење на организиран криминал и корупција кое објави свој став за за известувањето на АНБ во врска со следењето политичари и новинари.

,,Известувањата од АНБ за кои покажувате интерес се доставени до ОЈО ГОКК на почетокот на минатиот месец. Обвинителството веднаш отвори предмет по кој активно се постапува во насока на испитување на наводите од известувањата, што подразбира дека во моментов станува збор за спроведување на предистражна постапка,“ велат од ОЈО-ГОКК. Поради тајноста на предистражната постапка, во моментов не можат да се споделат детали за преземените и идните мерки и активности што ги спроведува надлежниот обвинител”, се вели во ставот на ОЈО ГООК.

Зошто на обвинителството му се потребни еден месец за да отвори истрага засега не е познато.

Што се откри Радио Лидер во вчерашната емисија

Фото: Илустрација

Поврзани теми:

топ|обвинителство|АНБ|следење

Повеќе на оваа тема:

Најнови вести од: Македонија

Ѓорге Иванов: Дијалогот е единствен пат кон мир и стабилност

Во периодот од 22 до 24 јуни во Скопје се одржа меѓународната конференција „Дијалог за единство и мир 2026“, организирана од Кабинетот на поранешниот претседател на Република Македонија, д-р Ѓорге Иванов, во соработка со Меѓународниот центар Алијанса на цивилизациите и Асоцијацијата на алумнисти на Школата за млади лидери.

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.
Сите вести од Македонија

Најнови вести

To top