Македонија

Колку навистина е загаден воздухот во Трубарево по пожарот?!

Силна миризба која пробива низ заштитните маски се уште има низ празните улици низ Трубарево. Дел од жителите побарале прибежште и чист воздух на друго место. Оние ретките, кои останаа таму, поделени – за едните мирисот најмногу се чувстувал утрово, а другите велат дека се навикнати и веќе не го чувстуваат мирисот.

Зголемување на сите параметри од два до три пати над дозволените граници се првичните резултати од мерењето на квалитетот на воздухот, извршено на денот на пожарот, кој се случи во објект на компанијата Ф-Групација во Трубарево. Меѓутоа, нивото на јаглерод монооксид, чија просечна вредност не треба да ја надмине 10 mg/m³, било 300 mg/m³. Директорката на Државниот инспекторат за животна средина, Ивана Гиновска, соопшти дека в петок ќе се знае кои тешки метали се присутни во воздухот во Скопје.

  • „Зголемувањето на параметрите е од два до три пати, мерењето е направено на три точки, моноксидот на јаглерод, чија дозволена вредност е 10 mg/m³, бил 300 mg/m³ на едно место, а на другите точки можеби бил 250… и така натаму. Имам резултати и е нормално кога има пожари да се зголеми моноксидот на јаглерод. Ова се резултати земени на денот на пожарот, од акредитирана лабораторија“, порача Ивана Гиновска.

Ректорот на Универзитетот „Гоце Делчев“ и раководител на лабораторијата, Дејан Мираковски, вели дека се поставени два уреди кои континуирано, 24 часа на ден, во наредните пет дена, ќе го мерат присуството на честички во воздухот, кои потоа ќе се анализираат. Мираковски вели дека ќе се анализираат 32 елементи,меѓу кои никел, кадмиум, арсен, олово и жива.

  • „Нашите резултати најверојатно ќе бидат на почетокот на следната недела. Ќе мериме во овие денови до четврток, па в петок ќе ги отстраниме филтрите и ќе ги анализираме. Мериме на две локации, едната во близина на местото каде што се случи пожарот, а другата неколку стотици метри подалеку. Целта е да се види актуелната концентрација или сегашното ниво на честичките и нивниот состав и да ги споредиме со регулативите, правилата за елементите, да ги споредиме со другите делови од Скопје за да видиме дали има зголемување или не на концентрацијата на елементите“, вели Дејан Мираковски.

Пожарот се случи во саботата. Гореа просториите на погон за постапување со електронски и опасен отпад на фирмата „Ф-Групација“, а црниот чад со часови труеше делови од главниот град. Скопјани и жителите на Трубарево се уште не знаат колку отров дишат овие денови, а особено во саботата. Првите резултати за тешки метали треба да бидат готови до крајот на неделата .

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top