Старо новиот градоначалник на општина Бутел Дарко Костовски му фрли ракавица на оџата од Бутел 2 кој што пред локалните избори ги повика граѓаните да не гласаат за Македонец.
Оџата од џамијата во Бутел 2 на петочната молитва пред изборите проповедал верниците да не гласаат за Костовски затоа што е Македонец и сугерирал да гласаат за ДУИ.
За ова Костовски бил информиран од Албанци кои што биле присутни на петочната Џума.
Сега Костовски му предлага на оџата на следните избори да се кандидира за градоначалник.
,,Оџата од Бутел 2 не собра сила да честита за победата. Добро, можеби го погоди големиот пораз па затоа би му предложил нешто.
Тој и така има желба да стане политичар, еве следните избори го чекам него како кандидат на ДУИ во Бутел (ако не се распадне партијата)
Поздрав и добро здравје.
Со почит”, му порача градоначалникот на општина Бутел, Дарко Костовски, на оџата од Бутел 2.