Македонија

Ковачевски и Филипче на различни страни за Дата-центрите

Нов судир во врвот на СДСМ

На повидок нов раскол во врвот на СДСМ. Сега меѓу лидерот Венко Филипче и екс-премиерот Димитар Ковачевски – причина изградбата на дата центарот во Пехчево. Додека Филипче јавно се спротиставува на изградабата на ваковиот стратешки центар кој е во интерес на државата, па уште и ликува на одлуката неговата изградба да се стопира, како што вели, по заслуга на СДСМ, Ковачевки во ироничен стил како да му удри шлаканица. На социјалните мрежи тој истапи со хумористичен коментар, во стилот среќа што Америка го нема Пехчево.

Имала среќа Америка што Пехчево не е во Силиконска долина, а богами и Кина што Пехчево не е во Шангај…… што би правеле денес со вишокот вода.

Овој став на Ковачевски, е дијаметрално спротиставен на тој на Филипче и официјланата политика на СДСМ во однос на изградбата на дата центрите низ Македонија. Како што е познато, советот на општина Пехчево ја тргна од дневен ред точката за изградбата на ваков центар на нивна територија, со што практично го стопираа проектот. Филипче сам си ја препиша заслугата за оваа одлука велејќи дека тоа било само поради залгањата на СДСМ. Дури го повикува народот на мобилизација, со теоријата на заговор дека власта под превезот на тајноста ќе ги оставела жителите без струја и вода. За Филипче изјавата на Ковачевски е демократско право на различно мислење, но тој и натаму останува на својот став во врска со Дата центрите.

-Дали тоа значи дека огромната количина на вода која што ќе ја користат дата-центрите, кои што Организираната криминална група на ВМРО сака да ги прави кај нас, ќе ги остави нашите полиња и земјоделците без водоснабдување? Дали тоа значи дека ова целосно запоставување на земјоделскиот сектор дополнително ќе претрпи удар поради тоа што водата ќе биде пренасочена за ладење на таканаречените дата-центри-вели Филипче.

Ковачевски е актуелен пратеник во македонското Собрание и барем досега важеше за поддржувач на Филипче, но тешко дека по последната размена на „мислења“, поранешниот лидер на СДСМ ќе биде добредојден во друштвото на актуелниот лидер. Филипче во неколку наврати покажа дека нема чувство за компромис со сопартијците, а тоа досега на своја кожа го почувствуваа и поранешната министерка за одбрана Славјанка Петровска, градоначалниците Петре Шилегов и Костадин Костадинов, како и членовите на иницијативата 12.05, каде членуваат повеќе истакнати членови на партијата како Игор Ивановски Шема, Андреј Петров, Јован Деспотовски и Гордан Георгиев.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top