Македонија

Лабудовиќ: Дали Герасимовски потпишал за десетици нови градби во Скопје

Кандидатот за градоначалник на Центар од редовите на ЗНАМ,  го обвини актуелниот за брутална бетонизација на Центар

1 минута за читање

„Жалам што Герасимовски не e овде во студиото, би сакал да го прашам дали е точно
дека веќе подготвил нови 80 дозволи за градба на кои ставил свој потпис“, изјави Мирослав Лабудовиќ во синоќешното гостување на „Телма“

Кандидатот за градоначалник на Центар од редовите на ЗНАМ,  го обвини актуелниот за брутална бетонизација на Центар и дека таа бетонизација продолжува со несмалено темпо.

„Кога јас ќе станам градоначалник – правилата за градба, ќе мора да се почитуваат од почеток до крај – од изработката на проектната документација, особено во текот на градбата – дали инвеститорот го почитува проектот, без да отстапува милиметар од тоа што е запишано“, нагласи Лабудовиќ.

Истовремено, најави жестока битка за секој сантиметар јавен простор во интерес на граѓаните и јавно се
обврза дека ќе инсистира на минималните 20 отсто зеленило околу објектот за секоја нова градба“.

Лабудовиќ најави задолжителна ревизија на сите урбанистички планови и изработка на нови во интерес само на граѓаните и со нивно вклучување во изработката.

Поврзани теми:

избор|Центар|Герасимовски|Лабудовиќ|бетонизација|дозболи за градба

Повеќе на оваа тема:

Најнови вести од: Македонија

(Видео): Нема потреба од кризна состојба, вели премиерот

Факт е дека во државата цената на нафтата, односно на нафтените деривати е најниска во споредба со земјите од соседството. Ваквата ситуација, според премиерот, од една страна е добра, но од друг аспект создава, условно кажано, проблеми бидејќи граѓани од соседните земји доаѓаат во земјава за да ги наполнат резервоарите на возилата, пред сè со дизел-гориво. Тоа, како што рече Мицкоски, особено се случува на бензинските пумпи во пограничните општини.

Мицкоски: Менкиноски не е криминалец, туку чесен граѓанин, кому „грев“ му е застапувањето на правата на Македонците! – ЕУ да го осуди ова однесување на Бугарија!

Премиерот Христијан Мицкоски јавно го осуди тоа што се случува со адвокатот Тони Менкиноски, кој доби црн печат од граничната полиција за влез во Бугарија до 2036 година, оценувајќи дека „тоа е лоша порака“ и дека „тоа директно влијае врз имиџот на самата Европска Унија, доколку не излезе со осуда на ваквото однесување“.

Владата го предложи судијата во Кривичниот суд Ненад Савески за нов државен јавен обвинител

Владата денеска го предложи судијата од Кривичен суд, Ненад Савески за нов државен јавен обвинител. Предлогот на Владата треба да биде изгласан од Собранието. За изборот на државниот обвинител се потребни 61 глас. Портпаролката на Владата Марија Митева на денешната прес-конференција истакна дека Владата се раководела од принципите на професионалност, интегритет, стручност и доследна посветеност на владеењето на правото. -Ненад Савески е судија во Кривичниот суд и во текот на својата професионална кариера има изградено репутација на правник со долгогодишно искуство, препознатлив по својата стручност, професионален интегритет и посветеност на принципите на законитост и правда, рече Митева.

Наставник (52) од Средното уметничко училиште во Скопје барал од 18-годишна ученичка да имаат сексуални односи – Полицијата го уапси!

СВР Скопје објави дека е уапсен наставник од средно училиште во Скопје поради вознемирување на 18-годишна ученичка од која барал да имаат сексуални односи. Станува збор за наставник од средното уметничко училиште „Лазар Личеноски“, кого ученички го пријавиле кај директорот. Потоа бил суспендиран и била поднесена пријава против него во полиција.

Македонски Телеком воведува нов комуникациски концепт за сите корисници, без бариери и со неограничен интернет

Македонски Телеком воведува нов комуникациски концепт за сите корисници, првпат на пазарот, без бариери во поврзувањето и со вредни дополнителни услуги, што ќе овозможи многу повеќе слобода и сигурност во секојдневната комуникација.

Стојкоски: На повеќе од 30 бензински пумпи имало прекин во точењето гориво, но продолжија, по дополна на резервоарите

Директорот на Државниот пазарен инспекторат Влатко Стојкоски денес информираше дека над 300 инспекциски контроли се извршени на бензинските пумпи во државата за да се провери дали се точело гориво под пазарни принципи по одлуката за зголемување на цените од полноќ.

Мицкоски: Имаме најевтини горива во регионот и доволни количини

Премиерот за утре најави средба со дистрибутерите и ќе побара од нив да не го користат притисокот на цената на горивото за да се зголемат веднаш  цените на прехранбените производи и притисокот да се префрли врз потрошувачката кошничка на граѓаните
Сите вести од Македонија

Најнови вести

To top