Македонците од Грција испратиле писмо до Вселенскиот патријарх Вартоломеј со барање во дел од црквите во северна Грција богослужбите да се одржуваат на современ македонски јазик.
Писмото на својот профил на Фејсбук го објави Павлос Воскопулос – Филипов, еден од лидерите на Македонците во Грција. Тој за весникот „Вечер“ потврди дека дописот бил испратен со надеж дека барањето ќе биде прифатено.
Меѓу другото, се наведува дека од почетокот на минатиот век Црквата и државата Грција активно со закани и заплашување ги менуваат јазикот, имињата и националниот идентитет на Македонците.