Лукровски: Карпош е заробен од приватни интереси, време е за промени(ВИДЕО)

Сотир Лукровски, кандидат за градоначалник на Општина Карпош од ВМРО-ДПМНЕ, изјави дека општината е заробена од приватни интереси кои ги замениле зелените површини со градилишта

26. октомври 2025. — 13:15 1 минута за читање

Сотир Лукровски, кандидат за градоначалник на Општина Карпош од ВМРО-ДПМНЕ, изјави дека општината е заробена од приватни интереси кои ги замениле зелените површини со градилишта. Тој ветува транспарентна и модерна политика во интерес на граѓаните.

„Во последниве денови слушаме смешни обиди за манипулација, истите луѓе кои ја водат општината сега ме прикажуваат во матни приказни. Јас не ја водам – тие ја водат, и тука е проблемот“, рече Лукровски. Според него, актуелното раководство со спорни урбанистички планови го уништува Карпош, посочувајќи проекти како „бетонското чудовиште кај ‘Алумина’“, пет згради на „Прашка“, проширување на „Настел“, трговски центар пред „Горење“ и City Mall, како и зграда пред СЦ „Борис Трајковски“.

Лукровски посочи дека одлуките се носат нетранспарентно, со последици врз квалитетот на живот, а обвинувањата за „Карпош на вода“ се обид за одвлекување внимание. „Карпош не сака празни зборови. Нудам транспарентна општина, чист воздух и крај на партиските тендери. Тоа е обврска“, порача тој, додавајќи дека „Карпош е општина на граѓаните, а не приватна фирма“ и дека неговата визија ќе стане реалност по изборите.

Поврзани теми:

актуелно|Сотир Лукровски|транспарентност|Општина Карпош

Најнови вести од: Македонија

Слаб земјотрес регистриран ноќеска

Земјотресот од 3 степени според Рихтеровата скала бил регистриран во епицентралното подрачје на Тетово-Гостивар

пред 17 мин.

Продолжува пеколно топлото време – денеска до +39 степени

Живата во термометрите во главниот град ќе се искачи до плус 38 Целзиусови степени

пред 42 мин.

Мицкоски: Македонија има потреба од самодоверба

Доста бевме „Македончиња“, треба да бидеме Македонци. Македонија има потреба од народ што верува во своите способности. Има потреба од институции што работат, економија што создава вредност, образование што создава знаење а не просечност, порача премиерот

пред 57 мин.

IN MEMORIAM: Замина Владо Јаневски

Автор и изведувач на големи хитови како „Ако не те сакам“, „Евергрин“, „Дома си е дома“, „И тогаш некоја будала“, „Некогаш и негде“, „Црно тиквешко“

пред 11 часа

Сали: Уставниот суд ја укина одлуката за имињата на улиците во 2007, оти беше без одлука на владата, a протестите на ДУИ се политички мотивирани!

Протестите на ДУИ се политички мотивирани, а Уставниот суд ја укина одлуката за имињата на улиците во Тетово зашто била донесена без да се испочитуваат законот и процедурите, изјави денеска Беким Сали од коалицијата Вреди, актуелен вицепремиер и министер за европски прашања. Сали појасни дека новата постапка во Тетово веќе е започната, но овој пат ќе се води строго според законските прописи.

пред 13 часа

Димитриевски: СДСМ е друштво во ликвидација и стечај, ликвидатор му е Филипче, а го координираат од Струмица!

Лидерот на ЗНАМ Максим Димитриевски изјави дека СДСМ, наместо секојдневно да пласира политички лаги и измислени конструкции, треба конечно да се соочи со сопствените политики, поради кои ја изгуби довербата на граѓаните. Тој оценува дека денешното раководство ја доведе партијата до состојба на политички стечај.

пред 13 часа

ВМРО ДПМНЕ: Филипче и другарите повторуват лаги како папагали – пензиите не се загрозени, буџетот не е празен!

Венко Филипче и неговите другари лагите ги повторуваат како папагали. Од нивното однесување и нивните кажувања кои се сведуваат на сеење страв се гледа само едно дека немаат идеја за ништо и само повторуваат лаги.Буџетот не е празен, ниту се загрозени пензионерите и нивните месечни примања, ниту се загрозени вработените и нивните примања, велат од ВМРО-ДПМНЕ

пред 14 часа

Анри Барбис: Македонците, коишто имаат свој автентичен посебен јазик и своја неспорна етничка оригиналност, го немаат дури ни правото да се нарекуваат Македонци!

„Македонците, коишто имаат свој автентичен посебен јазик и своја неспорна етничка оригиналност, го немаат дури ни правото да се нарекуваат Македонци. Нам ни припаѓа правото јасно и високо да протестираме против поробувањето и угнетувањето на еден народ.“ – напишал Анри Барбис на во својата статија со наслов „Поробен народ“ („Un peuple asservie“), која е објавена на 28 јуни 1930 година во публикацијата „Монд“ број 108. Барбис е блескав француски писател, добитник на највисоки француски државни награди за вредностите на својата литература. Во „Поробен народ“ овој француски писател употребува директно за Македонците оригинални француски формулации „une nation“, „langue distincte“ и „originalité ethnique“, кои во францускиот политички и интелектуален речник од тоа време имале многу силно значење и означувале: посебен народ, посебен идентитет и различен, посебен јазик. Формулациите на Барбис „свој посебен јазик“ и „неоспорна етничка оригиналност“ се јасно признавање на постоењето на македонскиот народ и на македонскиот јазик среде интелектуална Франција и интелектуална Европа. Уште пред сто години, Барбис зборува експлицитно за Македонците како посебна нација, а не како дел од друга балканска нација.

пред 17 часа

Сите вести од Македонија