Вкупно 24 земји во светот забележале пад на населението меѓу 2000 и 2025 година, меѓу нив и Македонија на 14. место со намалување на популацијата за 10 проценти, според податоците на Меѓународниот монетарен фонд.
Со една третина помалку жители неславен лидер е Украина, пред Маршалските Острови со 29 отсто помалку луѓе за четврт век, а Бугарија е трета со 29 отсто помало население.
Од земјите во опкружувањето Романија е осма со пад на населението од 16 отсто, а веднаш зад неа се Србија и Албанија со 13 отсто, Хрватска со 12 отсто, Босна и Херцеговина е на 16. место со 8 отсто помалку жители, а Грција 20. со -4 отсто.
На спротивната страна води Катар со зголемување на населението за 423 проценти меѓу 2000 и 2025 година, пред Обединети Арапски Емирати со 250 отсто, Екваторијална Гвинеја со 167 отсто итн.
