Македонија

Македонија, БиХ и Албанија најзагрозени од аерозагадувањето во Европа

Според Европската агенција за животна средина, во овие три земји најмногу на удар се жителите со 30 или повеќе години

Жителите на Македонија, Босна и Херцеговина и Албанија се најмногу изложени на ризик од скратен животен век поради загадувањето на воздухот, соопшти Европската агенција за животна средина (ЕЕА).

Овие земји имаат најголем просечен број на изгубени години живот поради загадувањето на воздухот кај жителите на возраст од 30 години и повеќе, се вели во извештајот на ЕЕА.

Агенцијата вели дека загадувањето на воздухот останува најголемиот еколошки ризик за Европејците, пред други фактори како што се изложеноста на бучава и хемикалии или ризикот од топлотни бранови поврзани со климата.

Небезбедните нивоа на загадување на воздухот резултираа со неверојатни 182.000 смртни случаи во 2023 година, објави Евроњуз.

Извештајот на ЕЕА вели дека 95 проценти од Европејците во урбаните средини се изложени на нивоа на загадување на воздухот „значително“ над препораките на Светската здравствена организација.

Меѓу земјите од ЕУ, Италија имаше најголем број смртни случаи од загадување на воздухот во 2023 година и најголем број изгубени години живот на 100.000 жители, по што следуваат Полска и Германија.

Најниски релативни влијанија од загадувањето на воздухот се забележани во земјите во северна и северозападна Европа, вклучувајќи ги Шведска, Естонија и Норвешка.

Во Исланд немаше смртни случаи од загадување на воздухот, додека во Финска беа регистрирани 34 смртни случаи предизвикани од долготрајна изложеност на фини честички, познати како ПM 2.5, соопшти ЕЕА.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top