Владејачката ВМРО-ДПМНЕ соопшти дека Македонија го започнала процесот за приклучување кон европската иницијатива „Роаминг како дома“.
Со ова, како што велат, граѓаните ќе можат да користат мобилни услуги, повици, интернет и СМС пораки во земјите од Европската Унија, по исти цени како и домашните.
Ова претставува директна придобивка за граѓаните, што ќе донесе пониски трошоци, полесна комуникација и подобри услови за прекугранична соработка.
„Со усогласување на домашната правна рамка со европските директиви и прописи во областа на електронските комуникации, Владата го исполни својот дел од обврските и ја подготви Македонија за следната фаза од процесот на приклучување кон европската роаминг зона.
Разликата е јасна. Додека СДСМ сè уште се обидува да ја убеди јавноста дека европската агенда е нивен приоритет, и покрај фактот дека оставиле зад себе само неисполнети ветувања, ВМРО-ДПМНЕ работи за конкретни придобивки за граѓаните“, соопштија од владејачката партија.