Македонија

Македонската метропола повторно во дилема – дали утре ќе има градски превоз?!

Скопјани повторно оставени на цедило, автобусите имаат нафта само за два дена. Граѓаните реагираат дека автобуси речиси и да нема. Ако има, велат ги има на еден час, што е поразително за една метропола.

Македонската метропола повторно во дилема – дали утре ќе има градски превоз или граѓаните ќе бидат принудени сами да се снаоѓаат. Иако имаше најави за проблеми со снабдувањето со нафта, сепак пристигнале 20 тони, што е доволно за само два дена. Од Синдикатот на ЈСП „Скопје“ велат дека состојбата е загрижувачка. Автобусите на ЈСП „Скопје“ засега сообраќаат редовно, а од претпријатието уверуваат дека нема најава за прекин на возењето.

Граѓаните реагираат дека автобуси речиси и да нема. Ако има, велат ги има на еден час, што е поразително за една метропола.

Во меѓувреме, седница на Советот на Град Скопје за проблемот со јавниот превоз сè уште не е закажана.

Од Град Скопје велат дека фирмата која ги снабдува автобусите со гориво ја прекинале испораката на нафта и покрај активниот договор со ЈСП „Скопје“.

  • Затоа за Асмир Јахоски и „Пуцко петрол“ ќе се покрене соодветна постапка за материјална и кривична одговорност кои произлегуваат како последица од непочитување на договорот за снабдување на ЈСП со нафта со што имаат цел автобусите на ЈСП да престанат да сообраќаат. Под силен политички притисок уценетиот Асмир Јахоски од Пуцко петрол се приклучува на обидите за креирање хаос во Скопје. Иако има активен договор со ЈСП за испорака на нафта, Асмир Јахоски од Пуцко петрол, соочен со обвиненија затворска казна и подложен на уцени иако има активен договор за испорака на нафта ја прекина доставата, велат од Град Скопје.

Според Град Скопје, сопственикот на нафтената компанија го сторил тоа под „силен политички притисок“, со цел да се создаде хаос во главниот град.

Оваа состојба со јавниот превоз во Скопје се претвора во секојдневие за скопјани, иако плаќаат карти, не добиваат никакви услуги. Скопје и вчера остана без јавен превоз, а илјадници граѓани беа оставени на улица, додека кај ЈСП се празнеа пероните и се редеа лути колони од луѓе што залудно ги чекаа автобусите. Веста дека автобусите се исклучуваат од линиите се рашири како молња и за час ја претвори транспортната мрежа во колапс, со застои, преполни такси-стојалишта и работници што пешачеа кон дома.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top