Со два автобуса на илјада жители, Македонија е над европскиот просек од 1,6, покажуваат податоците на статистичката агенција на Европска унија, Евростат, за 2024 година.
Во Македонија минатата година биле регистрирани 3.690 автобуси и со тие два на илјада жители е над просекот од 1,6 во ЕУ, кадешто лани биле во сообраќај 737.142 автобуси, минибуси и тролејбуси.
Македонскиот просек е далеку над тој во Холандија, кадешто на илјада жители има само 0,5 автобуси, потоа во Германија (1) и во Австрија (1,2), а значително под тој на водечките Малта (4,6), Луксембург (4) и Естонија (3,7).
Во споредба со регионот, Македонија ги „шие“ Србија со 1,8 автобуси на илјада жители, Хрватска со 1,5 и Босна и Херцеговина (1,3), а заостанува во однос на Албанија (3,8), Романија (3), Бугарија (2,8), Грција (2,6) и Црна Гора (2,4).
Според податоците на Државниот завод за статистика, пак, од вкупно 3.609 автобуси минатата година дури 3.609 или 97,8 проценти биле со дизел мотори, 63 или 1,7 отсто хибридни (бензин/гас) и само 15 или 0,4 отсто електрични.