Манасиевски: СДС, Левица и ДУИ прво се договараат за Изборниот закон, а потоа го блокираат, иако бил договорен!

„СДС, Левица и ДУИ прво нека се договорат меѓу себе што сакаат од Изборниот законик, а ВМРО-ДПМНЕ ќе прифати сѐ што ќе побараат, само дијаспората да гласа по електронски пат, или по пошта.“ – нагласи портпаролот на ВМРО ДПМНЕ Валентин Манасиевски.

08. јули 2026. — 13:59 2 минути за читање

Натаму гласноговорникот на владејачката македонска партија истакнува: Македонската јавност е сведок на целосна политичка конфузија од страна на СДС, Левица и ДУИ во однос на новиот Изборен законик. Не може еден ден да се договараат, а следниот ден да го блокираат истиот закон кој веќе бил договорен. Не може во јавноста да пласираат различни тези, а зад затворени врати да преговараат за сосема други прашања.

Затоа ги повикуваме најпрво да се договорат меѓу себе. Да седнат да се договорат за една изборна единица, да седнат да се договорат за модел на финансирање, да седнат да се договорат за поплаките и начинот на којшто тие би биле прифатливи и конечно, да седнат и да се договорат дури и за моделот за изјаснување на дијаспората. Сето тоа коешто овие опозициски партии ќе го понудат до нас, ние тоа ќе го прифатиме.

ВМРО-ДПМНЕ нема проблем да разговара за секое прашање што е важно за унапредување на политичкиот систем, за продолжување на реформите, за европската интеграција на државата и за интересите на сите граѓани. Нашата определба е дијалог, а не блокади. Изборниот законик не смее да биде жртва на дневнополитички калкулации. Доколку СДС, Левица и ДУИ изградат единствен став и покажат искрена волја за договор, ВМРО-ДПМНЕ е подготвено веднаш да седне на маса и да разговара во интерес на државата и на сите нејзини граѓани, порачува портпаролот на ВМРО ДПМНЕ Валентин Манасиевски

Поврзани теми:

топ|ВМРО-ДПМНЕ|СДС Левица ДУИ|нов Изборен законик

Најнови вести од: Македонија

Котлар: Ракувањето на македонскиот народ со историјата често е исполнето со крв, со бури Самоилови, Карпошови, илинденски, партизански, АСНОМ-ски, со негирања!

„Чекајќи ја Марта од ’Европа’ еве исечок од една хроника на охрабрување: која е мерката за големината на еден народ, или на една држава? Дали е тоа територијата, нејзината површина, дали е бројноста на населението, дали е природното богатство или е освоеното, крваво богатство?! Дали големината е само во материјалната и во физичката претстава? А што е со духовната, културната вредност, или со сонцељубивите изрази на еден народ, или на држава?! Еве да го земам за пример мојот народ, македонскиот, кој не е многуброен, но е неизбројан! А, сепак тој е простодушно верен на исконската опстојба и вознес кон историската вертикала од библиски приказни, древност, средновековие и нововековие, па сè до совремието.“ – пишува универзитетската професорка од Институтот за историја д-р Наташа Котлар на својот фејсбук – профил во објавата насловена како „Модерни (ЕУ) народи!“

пред 15 мин.

Судењето против ВМРО (об) од 8-21.1936 во Софија, поради искажувањето македонска свест, дека Македонците се посебен народ, а не Бугари

На денешен ден, на 8 јули 1936 година во Софија започнал првиот судски процес во Бугарија, поради искажување македонска национална свест: судењето против раководителите и членовите на ВМРО (обединета) се одвивало од 8 до 21 јули 1936 година. Тие биле обвинети врз основа на Законот за заштита на државата дека се залагале за насилна промена на власта, но и поради нивниот цврст став дека Македонците не се дел од бугарскиот народ, туку одделна нација. Во текот на судењето обвинетите се изјаснувале како Македонци и ВМРО (обединета) ја претставиле како македонска национална и ослободителна организација. Забраната и судските процеси против организации што пројавуваат македонска национална свест не е новина во бугарското општество. Тоа го покажуваат историските документи и сведоштва.Ова се нагласува во статијата „Првиот судски процес против пројавувањето македонска национална свест“ на весникот „Нова Македонија“.

пред 1 час