„Министерот за животна средина и просторно планирање Изет Меџити на прашањето за пожарот на депонијата Дрисла изјави дека ДУИ, ЛЕВИЦА и Данела Арсовска се одговорни за овој инцидент. Тој рече дека инспекторатот е на терен и оти се преземаат мерки за споменатиот пожар.“ – објави ТВ Шења.
Натаму телевизијата наведува: „Ова се случува поради неодговорноста на ДУИ, ЛЕВИЦА и ДанелаАрсовска, со која се води Јавното претпријатие Дрисла. Центарот за управување со кризи и целата влада се во функција да го изгаснат пожарот и да преземат мерки час поскоро, за да се избегне оваа катастрофа. Инспекторатот го спроведува инспекцискиот надѕор и ќе донесе соодветна одлука, во принцип за да се реши проблемот. Но ако видиме дека немаат надлежности и желба да го решат, тогаш тоа може да се преземе под надлежностите на министерството.“ – посочи Изет Меџити.
Тој индиректно ја обвини ДУИ, велејќи дека ваквите ситуации се случуваат таму каде што тие раководат. „Сите опции се отворени, но одговорноста е на градоначалничката Данела Арсовска, на ДУИ и ЛЕВИЦА. Не можам директно да го кажам тоа, но изненадувачки е што таму каде што тие раководат има дестабилизација и се случуваат вакви ситуации.“ – напомна министерот Меџити.
Депонијата Дрисла со денови предизвикува загадување на воздухот и согорување отпад, штетен за здравјето на луѓето. Мирисот на гума и пластика ги задушува жителите на Студеничани. Дури и министерот за здравство Азир Алиу пред неколку дена препорача жителите на Скопјани да не излегуваат надвор, освен ако не е апсолутно неопходно, поради токсини и загаден воздух од пожарите, што избувнаа на неколку депонии во земјата. – објави ТВ Шења.