„ДУИ, од една страна, ги критикуваат ВМРО-ДПМНЕ и Мицкоски, додека од друга страна, преку Мицкоски, се обидуваат да се вратат на власт.“ – изјави кандидатот на Вреди за градоначалник на Чаир вицепремиерот Изет Меџити во емисијата „Специјал“ на ТВ Шења.
Телевизијата натаму наведува: Изет Меџити посочува дека од ДУИ постојано се обидувале да злоупотребат разни прашања како што се прашањето за законот за јазици, прашањето за балансирање и други, со цел да создадат впечаток во јавноста, како што вели, дека „албанското прашање е деградирано“.
Зборувајќи за дивоградбите во општините, Изет Меџити рече дека „во другите општини има многу повеќе дивоградби отколку во општина Чаир“. Тој додаде дека во градот Скопјe Чаир е рангиран како 6-та општина по дивоградби, додека пред него се уште 5 општини кои имаат повеќе дивоградби. Според Меџити, „ДУИ во соработка со Данела Арсовска водат кампања против општина Чаир“.
„Да не заборавиме дека од ДУИ започнаа кампања со Данела, која ја оркестрираа Блерим Беџети и Али Ахмети, кој го остави Зајас без канализација 20 години, па затоа тој нема морално право да зборува за урбанизирањето на општините.“ – нагласи Изет Меџити, објави ТВ Шења.