Македонија

Меџити: Вардар ќе се ангажира доброволно, без профит – Османи: Ројкинд ќе помага како пријател, без пари

Изет Меџити од Вреди и Бујар Османи од Националната алијанса за интеграција велат дека меѓународните архитекти ќе бидат ангажирани за Чаир едниот врз доброволна основа, другиот врз пријателска основа

„Меѓународните архитекти, ангажирани во кампањите за Чаир, не зеле ни денар, туку тоа го прават од добра волја, велат Меџити и Османи. Изет Меџити од Вреди додава дека Бајрам Вардар, Албанецот од Скопје, втор човек во градот Бурса, не сака финансиски да профитира, туку да придонесе со знаење за родниот крај.“ – објави ТВ Алсат во својата информација со наслов „Еден од љубов кон татковината, другиот од пријателство – Меѓународните архитекти ангажирани во кампањите за Чаир, не зеле ни денар“.

Натаму телевизијата наведува: „Бајрам Вардар не доаѓа за финансиски профит, туку да придонесе со знаење и искуство за родниот град Скопје. Сè е бесплатно, не само од негова страна, туку и од целиот тим од Македонија и Турција. Сите работат доброволно.“ – нагласи вицепремиерот Изет Меџити, кандидат за градоначалник на Чаир од редовите на коалицијата Вреди.

Потпретседателот на ДУИ Бујар Османи и кандидат за градоначалник на Чаир од редовите на Националната алијанса за интеграција вели дека мексиканскиот архитект Мишел Ројкинд во оваа фаза работи без финансиски договор, „само затоа што му е пријател“.

Запрашан дали нема финансиски договор со Ројкинд, Османи одговара дека таков договор. 

На дополнително прашање дали вели дошол од Мексико да направи план и и оти нема поим колку ќе биде цената, Бујар Османи тврди: „Не, затоа што ми е пријател. Се спријателивме преку моите активности и контакти низ светот. Прифати да помогне. Тој доброволно помага во оваа фаза, за планот, за визијата за Чаир, за градската преродба.“ 

Пред неколку дена кандидатите за прв човек на Чаир ги претставија архитектите, со кои планираат да ја особвременат општината. – објави ТВ Алсат.

Најнови вести од: Македонија

Ахмети тврди дека ДУИ и НАИ се „победници во првиот круг на локалните избори“ и пак бара предвремени парламентарни избори

Лидерот на ДУИ Али Ахмети ја нарече коалицијата Вреди „Здружение Газиместан“, асоцирајќи дека била, според него „губитничка политиката“ на Вреди, како што била и политиката на поранешниот српски претседател Слободан Милошевиќ, познат по неговиот говор на Газиместан во Косово во 90-тите години од минатиот век. Но, Али Ахмети со својот „триумфалистички настап“ денес само ги игнорираше многубројните оценки на независни политички аналитичари не само од Македонија, туку и од сиот Балкан, дека оној, што претрпел пораз и тоа „историски“ е токму тој, со укажувања дека и навистина треба да се повлече од политиката.

To top