Македонија

Меѓународен ден на кучињата: Односот кон животните е одраз на општеството што го градиме

По повод 26 Август – Меѓународниот ден на кучињата, ЈП „Лајка“ потсетува дека овој ден не е само можност да ја славиме поврзаноста меѓу луѓето и кучињата, туку и повод сериозно да размислиме за нашата одговорност кон нив

Кучињата се дел од нашето секојдневие и од заедницата во која живееме. Сепак, голем број од нив и понатаму завршуваат на улица како последица на неодговорно сопствеништво, неконтролирано размножување, напуштање и непочитување на законските обврски. Бездомните кучиња не се појавуваат сами – тие се последица на човечки постапки и на долгогодишно отсуство на доследна, заедничка одговорност.

Создавањето похумано и побезбедно општество не зависи само од работата на едно јавно претпријатие или прифатилиште. Тоа бара вклученост од институциите, локалните самоуправи, сопствениците на домашни миленици и од секој граѓанин поединечно.

Одговорното сопствеништво подразбира кучето да биде микрочипирано, вакцинирано, соодветно чувано и под постојан надзор. Тоа значи и навремена стерилизација или кастрација, спречување несакани легла и преземање целосна грижа за животното во текот на целиот негов живот. Напуштањето куче никогаш не смее да биде прифатено како решение.

ЈП „Лајка“ секојдневно работи на хуман третман и контрола на популацијата на бездомни кучиња преку програмата „залови – стерилизирај – вакцинирај – врати“. Кучињата што доаѓаат во прифатилиштето добиваат ветеринарен третман, се вакцинираат против беснило, се микрочипираат и се стерилизираат или кастрираат. Истовремено, тимот работи на нивна социјализација и на пронаоѓање соодветни домови.

Но прифатилиштата не можат да го решат проблемот доколку секојдневно нови кучиња се напуштаат на улица. Трајното решение е во превенцијата: одговорно сопствеништво, санкционирање на напуштањето, масовна идентификација и стерилизација на сопственичките кучиња, едукација и активна соработка меѓу граѓаните и институциите.

Секој од нас може да придонесе. Со вдомување наместо купување, со привремено згрижување, волонтирање, донирање, споделување објави за вдомување и одговорно пријавување случаи на повредени или загрозени животни. Понекогаш едно споделување е доволно вистинскиот човек да го забележи кучето што долго време чека дом.

По повод Меѓународниот ден на кучињата, издвојуваме и неколку од нашите станари:

Тие не бараат сожалување. Бараат можност да бидат забележани, прифатени и сакани. Секое од нив има различна приказна, но и иста желба – прифатилиштето да не биде неговиот последен дом.

На овој Меѓународен ден на кучињата ги повикуваме граѓаните да ја претворат љубовта кон животните во конкретна и одговорна постапка. Да не ги напуштаат своите миленици, да ги стерилизираат и микрочипираат и да вдомуваат.

Општеството во кое кучињата се безбедни е побезбедно и за луѓето. Хуманоста, одговорноста и почитувањето на животот не се гест што треба да го покажеме само денес – тие се обврска што треба да ја исполнуваме секој ден.

Најнови вести од: Македонија

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

УКИМ не платил сметки за струја, ако не се плати долгот – факултетите ќе останат во мрак

Дел од државните факултети и Ректоратот од утринава се во мрак поради неплатени сметки за електрична енергија. Ова за Телма го потврдија и од ЕВН. Без струја останаа Машинскиот, Електротехничкиот, Природно – математичкиот, земјоделскиот факултет, но и зградата на Ректоратот.

Велковски: Во владина постапка се измените на Законот за детска заштита, од 2027 поголема поддршка за децата со посебни потреби

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја поминат собраниската процедура и од 1 јануари 2027 година децата од оваа категорија да добијат зголемени средства.

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

To top