„Во насока на регулирање на различните правни толкувања и недореченостите во постапката за собирање потписи за поднесување на кандидатски листи од независни кандидати, како пратеничка група на ВМРО-ДПМНЕ и коалиционите партнери поднесовме измени на Изборниот законик, со кои ќе се уреди врeмено оваа постапка, што беше укината претходно од Уставниот суд.“ – објави на фејсбук пратеникот и координатор на пратеничката група на ВМРО ДПМНЕ во Собранието на Република Македонија Никола Мицевски.
Натаму Мицевски истакнува: Со ова решение се пополнува правната празнина и се воведуваат јасни правила за собирање потписи за кандидатури за градоначалници и советници од група избирачи.
Во Комисијата за политички систем беше поднесен амандман од Левица да се намали прагот од 0,95 отсто на 0,5 отсто за потребни потписи за независни кандидати.
Што за нас беше прифатливо и со 8 гласа ЗА (ВМРО-ДПМНЕ, ЗНАМ, ВРЕДИ и СДСМ )
и еден ПРОТИВ (ДУИ) амандманот беше прифатен. Чудно беше што иако се предлагачи, никој од Левица не гласаше за нивниот амандман?
Со ова покажуваме дека во ова законско решение единствена цел ни е надминување на правните толкувања и правните недоречености и оти единствено ни е важно учеството на сите заинтересирани граѓани на овие локални избори под еднакви услови. – наведува Никола Мицевски од ВМРО ДПМНЕ на општствената мрежа.