Македонија

Мицкоски го посети Центарот Лидл Македонија во Куманово – вложување од 115 милиони евра со 230 работни места, кој ќе се изгради во 2026

„Овој логистички центар подразбира свежи производи за македонските потрошувачи во секоја продавница, секој ден. Ова е можност и за македонските производители да ги намалат трошоците, односно да ги складираат своите производи овде како централна локација.“ – изјави Милена Драгијска, извршната претставничка на Лидл.

Премиерот на Република Македонија Христијан Мицкоски денеска го посети Регионалниот дистрибутивен центар на Лидл Македонија во Речица, Куманово, кој е во завршна фаза на изградба и се очекува да отпочне со работа пролетта во 2026 година. Инвестицијата е вредна 115 милиони евра. Ќе бидат отворени 230 нови работни места. Во изградбата на својот нов објект Лидл соработува со повеќе од 75 македонски компании.

Покрај премиерот Мицкоски на настанот присуствуваа и вицепремиерот и министер за транспорт Александар Николоски, министерот за економија и труд Бесар Дурмиши и заменик-министерот Марјан Ристески, директорот на Царинската управа Бобан Николовски, директорот на Агенцијата за храна и ветеринарство Оливер Миланов и градоначалникот на Куманово Максим Димитриевски.

Милена Драгијска, извршната претставничка на Лидл, изрази благодарност за соработката со Владата, во кои, како што рече, гледаат големи партнери. „Овој логистички центар подразбира свежи производи за македонските потрошувачи во секоја продавница, секој ден. Ова е можност и за македонските производители да ги намалат трошоците, односно да ги складираат своите производи овде како централна локација. Ние располагаме со механизми за контрола на квалитетот, бидејќи гарантираме за свежината и за квалитетот на производите.“ – изјави Драгијска.


Ова е најголемиот логистички центар во Македонија со површина од 170 илјади квадратни метри и со оперативна површина од 63 илјади квадратни метри. Преку иновативната технологија, стандардите на градба, енергетската ефикасност и начин на работа, овој логистички центар поставува нови стандарди за логистичката инфраструктура во Македонија.

Лидл е дел од групацијата „Шварц“, со седиште во Некарзулм, Германија, и е еден од водечките трговци на мало со храна во Германија и Европа. Лидл моментно управува со околу 12.600 продавници и повеќе од 230 дистрибутивни и логистички центри во 31 земја и вработува повеќе од 382 илјади луѓе. 

Најнови вести од: Македонија

Здружението на косовската УЧК ќе одржи во декември 2025 „мирен протест во Скопје на Албанците“ против судењето во Хаг на нејзините водачи

„Ќе одржиме мирен протест и во Македонија, бидејќи таму ги имаме нашите браќа-Албанци.“ – изјави претседателот на „Организацијата на воени ветерани“ на косовската УЧК Хисни Гуцати, најавувајќи го протестот во македонската метропола против судењето во Хашкиот трибунал на четворицата некогашни водачи на поранешната „Национална ослободителна армија“ – УЧК од Косово.

Мицкоски: Државава е веќе консолидирана по затекнатиот распад и пустошот! По изборите следат жестока работа и големи резултати!

„Го расклопија системот парче по парче, како да бил нивни личен имот. Но ние сега градиме систем, што во иднина ќе функционира без оглед на тоа кој е на власт, долгорочно и со коренити промени, затоа што државата не е ничија приватна фирма, туку наш заеднички дом.“ – рече премиерот на Република Македонија и лидер на ВМРО ДПМНЕ Христијан Мицкоски на завршниот митинг во Скопје пред гласањето за вториот круг на локалните избори в недела.

(Фото): Управниот одбор на „Комуналец“ Скопје, ја разобличи манипулацијата на Данела Арсовска

Би сакале да ве потсетиме и дека во текот на изминатите четири години токму вие именувавте пет в.д. директори на ЈП Комунална хигиена – Скопје и разрешивте четири од нив, стои во документот на УО, насловен како „Итна ургенција“, а кој беше испратен до медиумите.

Ѓорѓиевски до Мециновиќ: Дополнитени часови по локална самоуправа ќе држам по победата на изборите

Евидентно е ниското ниво на политичка култура, но и присутната безидејност и недостигот на планови кај кандидатот Амар Мециновиќ, што значи дека секоја следна дебата не би била натпревар и судир на концепти

Под силен притисок од јавноста, Арсовска го назначи Александар за нов в. д. директор на „Комунална хигиена“

Управниот одбор на „Комунална хигиена“ утрово побара од градоначалничката Данела Арсовска итно да назначи в. д. директор на претпријатието. Велат дека во моментов се при крај резервите со нафта наменета за специјалните комунални возила кои се употребуваат за собирање и транспорт на комуналниот отпад, што не може да се набави без потпис на в. д. директор.

Најнови вести

To top