Премиерот Христијан Мицкоски рече дека не се согласува со констатацијата од некои еврокомесари дека Албанија е пред Македонија на патот кон ЕУ коментирајќи го извештајот на Европската комисија за Македонија.
„Да ги направиме уставните измени најдобро ќе биде, и потоа да добиеме вето и нови проблеми, и тогаш ќе добиеме петка“ рече Мицкоски.
„Исклучително сум задоволен од Извештајот затоа што нема уназадување. Има стагнација на неколку области, и затоа се потребни промени во судскиот совет и обвинителството, и сега после изборите многу сериозно ќе се занимаваме со таа тема.
Генерално можам да го оценам како добар, но не можам да се сложам со констатацијата дека некои земји се пред нас кон ЕУ. Ние сме многу пред Албанија, иако некои од еврокомесарите изјавуваа тоа што изјавуваа, така да кога ќе се анализира која е спремна земја, Црна Гора е прва, Македонија и Србија на второ место, па потоа следуваат Албанија, БиХ“, кажа Мицкоски.
Премиерот дополни дека сега после изборите, владата ќе се позанимава со реформи во судството.