Премиерот на Република Македонија, Христијан Мицкоски, нагласува дека нема аргументи за прифаќање на бугарските барања и изрази жалење што претходно корумпираните политичари прифатиле сè за да останат на власт.
„Ако го прошириме нашиот Устав за да вклучиме повеќе етнички групи, бидејќи има Албанци, Срби, Турци, Роми, Бошњаци и така натаму, тогаш се поставува прашањето, што се случува со Македонците од другата страна на границата кои живеат во западна Бугарија?
Ако од една страна барате да бидете конститутивен народ поради некаков предлог што корумпираните политичари во минатото го прифатиле, мислејќи дека на овој начин ќе останат на власт, дека ќе им бидат простени сите криминални скандали што ги сториле, а од друга страна имате 14 одлуки на Судот за човекови права кои велат дека таму постои Македонска заедница која има свои права да се организира во клубови и организации, а не ја почитувате Резолуцијата што ја потпишавте за заштита на човековите права, таква Резолуција потпишала и Бугарија, тогаш се поставува прашањето кој е контрааргументот“, изјави Мицкоски во интервју за „Еуроњуз Србија“.
Тој нагласи дека е лицемерие и двојни стандарди да се излезе и да се каже дека тоа мора да се направи затоа што тие се таму каде што сакаме да бидеме и дека тие не мора да го прават тоа.