Поранешниот германски министер за Европа, Михаел Рот, остро ја критикува Бугарија поради нејзиниот однос кон Македонија и блокадата на нејзиниот европски пат.
„Глупавото попречување на патот на Македонија кон Европската унија од страна на Бугарија е неодговорно и мора веднаш да престане. Тоа ја ослабува ЕУ, го дестабилизира Западен Балкан и им користи единствено на Русија, Кина и другите авторитарни актери. Новата бугарска влада треба да се засрами“, напиша Рот на платформата „X“.
Bulgaria’s stupid obstruction of North Macedonia’s EU path is irresponsible and must stop.
It weakens the EU, destabilizes the Western Balkans, and only benefits Russia, China, and other authoritarian actors.
The new Bulgarian government should be ashamed. https://t.co/0PwDm7WGvV— Michael Roth 🇪🇺🇺🇦🇮🇱🇬🇪 (@MiRo_SPD) May 22, 2026
Неговата реакција уследи откако бугарското МНР го пренесе ставот на министерката Велислава Петрова-Чамова во кој стои дека тоа бил „еден од најјасните институционални одговори досега во врска со ставот на Софија за пристапување на Северна Македонија кон ЕУ“. Во него се наведува дека „Бугарија го смета европскиот консензус од јули 2022 година за целосно обврзувачки и отфрла секаков обид за негово реинтерпретирање или заобиколување“.
Македонскиот министер за надворешни работи Тимчо Муцунски денеска се сретна со бугарската колешка Велислава Петрова, по што МНР соопшти дека тој ѝ укажал на Петрова дека за јазикот, идентитетот и културата не може да се разговара. Според соопштението, Муцунски исто така го покренал и прашањето на македонското малцинство во Бугарија и пресудите на Европскиот суд за човекови права.
Петрова-Чамова на министерскиот состанок на НАТО во Шведска имаше средба и со германскиот шеф на дипломатијата Јохан Вадепул кој порача дека „проширувањето е геополитичлка неопходност и дека (ЕУ) се стреми кон зголемен моментум“.