Македонија

Минчев: Граѓаните на Куманово го препознаа успехот на Димитриевски

Генералниот секретар на Движењето ЗНАМ, Горан Минчев, во гостувањето во емисијата „Тема на денот“ на Сител ТВ зборуваше за вториот круг од локалните избори, истакнувајќи ја силната поддршка за кандидатите на партијата во Куманово и Центар.

GoranMincev

Генералниот секретар на Движењето ЗНАМ, Горан Минчев, во гостувањето во емисијата „Тема на денот“ на Сител ТВ зборуваше за вториот круг од локалните избори, истакнувајќи ја силната поддршка за кандидатите на партијата во Куманово и Центар.

Тој го пофали градоначалникот на Куманово и претседател на ЗНАМ, Максим Димитриевски, за реализацијата на преку 800 капитални инвестиции во изминатиот период. „Граѓаните ја препознаа неговата работа и во првиот круг му дадоа предност од околу 11.000 гласови. Очекуваме оваа разлика да се зголеми во вториот круг, бидејќи граѓаните знаат кој може да го води Куманово стабилно, чесно и со резултати“, изјави Минчев.

Минчев се осврна и на соработката со ВМРО-ДПМНЕ, нагласувајќи дека двете партии имаат конструктивно партнерство во рамките на Владата, засновано на заеднички цели. „Ние градиме партнерска политика со нашиот коалиционен партнер во Владата, ВМРО-ДПМНЕ. Ги очекуваме и нивните гласови, како што и ние дадовме поддршка на нивните кандидати во другите општини. Тие 33 општини кои ги освои ВМРО-ДПМНЕ се резултат и на нашата поддршка“, додаде тој.

Тој ја искоментира и слабата позиција на СДСМ во Куманово, каде што партијата не само што не влезе во вториот круг, туку падна на четвртото место. Според Минчев, ова покажува голем неуспех на СДСМ во градот.

За Општина Центар, Минчев изјави дека таа е последното упориште на бизнис-интересите на кругот околу Венко Филипче и Зоран Заев, поддржани од актуелниот градоначалник Горан Герасимовски. „Во моментов Центар е една од општините што најбрзо издава градежни одобренија. За време на мандатот на Герасимовски се издадени над 300 одобренија за градба, што остава огромен простор за сомнеж во нетранспарентни зделки и корупција. Зад тие градежни бизниси стојат неколку компании поврзани со Герасимовски, Филипче и Заев. Првиот ешалон е бизнис-кругот што профитира од градбите, вториот ешалон се луѓе во самата општина, задолжени за занаетчиски работи, фасади, плочки, инсталации. Тоа е класичен модел на корупција и клиентелизам“, нагласи тој, додавајќи дека граѓаните во Центар се разочарани од ваквото управување.

„Ако ги погледнете резултатите, 68 проценти од граѓаните се изјаснија против политиките на Горан Герасимовски. Тоа е сигнал дека Центар сака промена, а не продолжение на криминалните урбанистички политики“, заклучи Минчев.

Движењето ЗНАМ останува посветено на принципите на транспарентност, одговорност и остварување конкретни резултати во секоја општина.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top