Минчев смета дека денешниот СДСМ суштински се разликува од партијата каква што била во минатото, посочувајќи дека во изминатата деценија ја изгубила довербата кај граѓаните поради коруптивни практики, институционален клиентелизам и сериозни отстапки од националниот интерес.
Осврнувајќи се на можноста за обединување меѓу СДСМ и Движењето ЗНАМ, Минчев вели дека такво сценарио не е можно без вистинско соочување со минатото и преземање јасна одговорност.
– Не можете да се обедините со некого кој не се соочил со сопственото минато. Не можете да градите иднина ако старите практики сѐ уште се бранат, релативизираат или премолчуваат – истакна тој.
Минчев подвлекува дека Движењето ЗНАМ е формирано токму како одговор на одбивањето да се прифати корупцијата како „нормалност“ и клиентелизмот како „реалност“, со јасна цел – враќање на моралот, достоинството и одговорноста во политиката.
Плус инфо