Министерот за социјална политика, демографија и млади од редовите на Вреди Фатмир Лимани не ја исклучи можноста да биде кандидат за градоначалник на Кичево на локалните избори на есен. Ова го објави информативниот портал на албански јазик „Алфакс“.
Натаму порталот пишува: Лимани рече дека неговото име е дел од анкетите што се во тек.
„Моето име е составен дел од анкетите. Не ја исклучувам можноста да бидам кандидат за градоначалник на Кичево на локалните избори на есен. Сите знаеме дека ниту Кичево ниту која било друга општина не е наша лична желба, туку тоа е реалност заснована на барањето и потребите на граѓаните. Ќе се произнесеме на крајот како ќе биде одлучено.“ – рече министерот Лимани.