Македонија

Министерот за трговија на Казахстан Арман Шакалиев во официјална посета на ТИРЗ

Министерот Арман Шакалиев изрази задоволство од можностите што ги нуди нашата земја и нагласи дека Казахстан гледа сериозен потенцијал за зајакнување на економската соработка со Република Македонија.

Висока делегација од Казахстан, предводена од министерот за трговија и интеграција Арман Шакалиев, денеска оствари официјална посета на Технолошко-индустриската развојна зона (ТИРЗ) во Скопје, при што беше посетена и фабриката на „Џонсон Мети“.

Во рамки на посетата, казахстанската делегација оствари работна средба со директорот на Дирекцијата за ТИРЗ, Гоце Димовски. На средбата се разговарало за можностите за интензивирање на економската соработка, привлекување нови инвестиции и понатамошно унапредување на билатералните односи меѓу двете земји.

Директорот Димовски ја оцени посетата како значаен чекор кон продлабочување на економските врски меѓу Република Македонија и Казахстан, истакнувајќи дека таа претставува континуитет на соработката воспоставена во јуни минатата година.

„Дирекцијата за ТИРЗ и натаму останува целосно посветена на поддршка на инвеститорите и на создавање услови за одржлив економски раст преку привлекување на инвестиции со висока додадена вредност“, рече Димовски.

Министерот Арман Шакалиев изрази задоволство од можностите што ги нуди нашата земја и нагласи дека Казахстан гледа сериозен потенцијал за зајакнување на економската соработка со Република Македонија.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

To top