Македонија

Мицкоски незадоволен од судството, бара расчистување на аферите

Во суштина и немаме владеење на правото, туку имаме мешетарење во правото, оцени премиерот во отчетот за две години влада

Премиерот Христијан Мицкоски изрази незадоволство од состојбите во правосудството и побара расчистување на сите афери заради кревање на минорниот процент доверба во третата власт во државата.

„Владеењето на правото е проблем во перцепцијата на граѓаните, затоа што во суштина и немаме владеење на правото, туку имаме мешетарење во правото, за жал“, изјави тој во отчетот за работата на Владата што ја предводи на половина од нејзиниот мандат.

Мицкоски направи ретроспектива на моментите што директно влијаеле, според него, за катастрофалната перцепција на правосудството во очите на граѓаните: генералниот реизбор на судиите за време на Владата на СДСМ од 1994 до 1998 година, кога во Собранието немаше (вистинска) опозиција, како и Специјалното јавно обвинителство на Катица Јанева.

„Сите ние знаеме како заврши сето тоа, а за да го покажат карактерот на ситни души се оние бонуси кои до денешен ден останаа нерасветлени. Но, тоа нема да остане туку така и сега да се надоврзам на моите очекувања од сегашниот јавен обвинител, да поминат 100 дена кои што треба секој да ги добие на аклиматизација, запознавање со средината и слично, очекувам сите овие работи да бидат расветлени и да бидат пред јавноста обелоденети. Тогаш јавноста ќе може да почне да размислува за промена на перцепцијата, бидејќи ако останат неразјаснети и нерасчистени, тогаш се плашам дека состојбата ќе биде уште полоша и довербата кон тие институции ќе биде уште помала од граѓаните“, додаде претседателот на Владата.

Најнови вести од: Македонија

Во пресрет на CES 2027, најновите производи на „Samsung“ препознаени од Асоцијацијата за потрошувачка технологија

Компанијата освои CES® 2027 награди за иновации за своите мобилни уреди, уреди за домашна забава, апарати за домаќинство и полуспроводници.
Galaxy Z Fold8 Ultra и Z Fold8 прогласени за “Најдобра иновација” во категоријата мобилни уреди на CES наградите за иновации

Почина професор д-р Никола Петров, творецот на „Росица“, „Другарче“ и „Наш свет“

Тој се смета за основоположник на македонската предучилишна педагогија, а генерации ученици во Македонија израснаа со списанијата за деца што ги покрена професорот и поранешен декан на Педагошкиот факултет

To top