Македонија

Јаневска: МОН не може и не треба да ги превземе надлежностите на Струга, Мерко работи недомаќински

МОН не може и не треба да ги превземе ингеренциите на општината. Тоа што Општина Струга се жали дека блок дотациите не и стигнуваат, јас сум убедена дека е резултат на недомаќинско работење на градоначалникот и Општината и целото раководство, рече Јаневска.

2 минути за читање

Поради недомаќинско работење на градоначалникот Рамис Мерко и целото раководство во Општина Струга не им стигнуваат блок дотациите за основните училишта, смета министерката за образование и наука Весна Јаневска. Прашана за коментар по вчерашната објава на Општина Струга дека ги отстапува надлежностите за основните училишта на нејзина територија на Министерството за образование и наука за учебната 2025/2026 година, Јаневска денеска на прес-конференција подвлече дека државата е во процес на децентрализација и оти постојат закони за тоа.

  • Министерството не може и не треба да ги превземе ингеренциите на општината. Ние сме длабоко во процес на децетрализација и општинските училишта се под ингеренција на општината. Тоа што Општина Струга се жали дека блок дотациите не и стигнуваат, јас сум убедена дека е резултат на недомаќинско работење на градоначалникот и Општината и целото раководство, рече Јаневска.

Таа потсети на незаконското поставување директори во неколку училишта на територија на општина Струга, а кажа и дека има сознанија за незаконски вработувања и неодобрени паралелки.

  • Таму се случуваа незаконски дејствија, незаконско поставување директори. Моите информации велат дека има незаконско вработување во одредени училишта и неодобрени паралелки. Претпоставувам дека се е тоа во корист на политички цели, а никако во корист на образванието. Тие што ја водат општината треба да се способни со коректно работење да се справат и со проблемите, доколку не се, идат избори па ќе видиме граѓаните што ќе одлучат, рече Јаневска.

Општина Струга вчера на својот фејсбук профил објави дека ги отстапува надлежностите за основните училишта на нејзина територија на Министерството за образование и наука за учебната 2025/2026 година поради немање доволно средства за исполнување нормални услови за одвивање на образовниот процес во 12 основни училишта.  Во објавата го известуваат Министерството дека од 1 септември 2025 година нема обврска да им испраќа блок-дотации на жиро-сметката на Општината, бидејќи, додаваат, од тој датум сите надлежности за основните училишта ќе бидат во нивни раце.

Поврзани теми:

топ

Најнови вести од: Македонија

Струјата поскапува од 1 јануари, но не многу – сметките ќе пораснат за околу 60 денари

Сметките за струја од 1 јануари идната година ќе се зголемат од 57 денари месечно за домаќинствата што трошат само во првиот блок, до 900 денари за оние кои влегуваат во најскапиот, четврти блок. Претседателот на Регулаторната комисија за енергетика, Марко Бислимовски појасни дека оваа одлука е конечна и донесена и покрај барањето на ЕВН хоум за значително поголемо зголемување на цената на струјата

Ќира: НАИ на Ахмети, советниците на Мерко и СДСМ со тајна коалиција ги блокираат Советот на Струга и функционирањето на институциите!

Градоначалникот на Струга Менди Ќира упати од денешната прес-конференција повик за политичка одговорност и за нормално функционирање на институциите, нагласувајќи дека волјата на граѓаните ќе биде решавачка за иднината на локалното владеење.

Манасиевски: Жерновски, внукот на бугарски кмет и застапник на бугарскиот став за Македонија, со Филипче се симбол на предавство и скандали, не на нов почеток!

„На штета на македонскиот идентитет и позиции, Андреј Жерновски, неуспешниот политичар, јавно говореше во полза на бугарскиот став за Македонија. Но тоа не му беше воопшто проблем, со оглед на неговото семејно потекло и фактот дека неговиот дедо бил бугарски кмет. Жерновски и Филипче, кои се поврзуваат со СДС од транзицијата, не се нови кадри, туку се луѓе, кои неколкупати се виновни за поразите на СДС низ годините. И по сите неуспешни обиди во политиката, од градоначалнички избори до скандалозни ‘дипломатски’ активности Жерновски се стави на располагање заедно со Филипче да биде најголемиот поборник на бугарските агенции и бугарските интереси во државата.“ – нагласи Валентин Манасиевски од ВМРО ДПМНЕ во денешното соопштение за јавноста.
Сите вести од Македонија

Најнови вести

To top