Македонија

Муцунски ја повика Софија да се однесува рационално

„…да не биде заглавена во ретроградните наративи коишто за жал одредени кругови во таа држава ги граделе по однос на македонското прашање историски наназад“, изјави министерот за надворешни работи и надворешна трговија Тимчо Муцунски на денешната прес-конференција „Она што го прави Софија во последниот период, оној експлицитен обид од кој стравуваме и со сите наши […]

„…да не биде заглавена во ретроградните наративи коишто за жал одредени кругови во таа држава ги граделе по однос на македонското прашање историски наназад“, изјави министерот за надворешни работи и надворешна трговија Тимчо Муцунски на денешната прес-конференција

„Она што го прави Софија во последниот период, оној експлицитен обид од кој стравуваме и со сите наши сили се спротивставуваме за редефинирање на нашиот идентитет е ретрограден, не му користи на регионот и на народите на двете земи, кои за жал поради таквиот однос се сè повеќе оддалечени едни од други во историјата“, рече Муцуснки.

Министерот не смета дека во Македонија постои говор на омраза, и како што рече, доколку некој за таков ја смета нашата потреба од афирмација на македонскиот јазик и идентитет, тогаш проблемот е поголем и од она што ние мислиме дека го имаме како проблем.

„Никаде во официјални изјави на високи претставици на нашата држава, да го затворам кругот со тројцата кои ја креираме и спроведуваме надворешната политика на државата – претседателката, претседателот на Владата и јас како министер, не сум видел ни една изјава со каков било говор на омраза, а детално ги следам сите“, рече Муцунски.

Муцунски истакна дека кај огромно мнозинство земји во ЕУ има силно разбирање за длабоките фрустарации на македонскиот народ и македонската држава на нашиот евроинтегративен пат, како и свест и за тоа дека она што и случува на нашата држава не придонесува за легитимитетот на полтиката на проширување, која историски гледано знаела да биде најтрансформативната политика.

Тој рече дека Македонија, како земја со статус кандидат, прави сè што може да развие еден реален дискурс во рамките на сите европски институции за создавање свест за она што ѝ се правело на оваа држава повќе од 30 години, но, како што нагласи, и свест за контекстот за тоа што ѝ се прави сега, во ова време во кое живееме со вистински турбуленции.

„Ние сакаме пат напред кон ЕУ. Да дискутираме за компромис, но сакаме да дискутираме и за предвидливост, односно гаранции по хипотетичко согласување за некој компромис. Затоа велиме имаме неколку многу јасни црвени линии од кои нема да отстапиме.

Тие се поврзани примарно со јазикот, со идентитетските обележја, тука вклучувајќи ја потребата од афирмација на нашето културолошко и историско минато, академска слобода за секоја дискусија по тоа шрашање, и секако да не дозволиме и да се игнорира фактичката состојба, односно очигледните прекршувања кои нашиот сосед Бугарија ги прави во почитување на принципите кои произлегуваат од меѓународното јавно право, а за кои тие имаат обрска да ги имплементираа“, истакна шефот на македонската дипломатијата мислејќи на неисполнувањето на пресудите на ЕСЧП за непочитување на правата на македонско малцинтво во Бугарија.

„Не може наш сосед, бидејќи тој е сега земја-членка на ЕУ, да го користи тоа како своја алатка за редефинирање на нашиот национален идентитет. Срамота е тоа да се прави во 21 век. Затоа повикуваме на рационалност и свест за одговорноста која сите заедно ја имаме кон нашиот регион и нашиот континент“, рече министерот.

Тој смета дека изгласувањето на извештајот за Македонија во АФЕТ е историски момент, но не и момент за триумф, како и дека не се знае каков ќе биде извештајот што ќе биде усвоен во Европскиот парламент. (МКД.МК)

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top