Адвокатот Умејр Мухамеди со сопствено видување за дрското загадување на реката Лепенец од скопјанката со „поршето“.
„Женава со Порше која застана и фрлаше ѓубре од мост на реката Лепенец и на жената што ја снимаше и вика ‘чао’ као ‘не ми е гајле што снимаш’ ја претставува генералната слика на нашето општество и на нефункционалниот систем во целина.
Таквото однесување е резултат на неказнување. Се додека некои луѓе не го “чувствуваат” притворот па да јадат и да пијат одма до тоалетот никогаш нема да се освестуваат. Како резултат на тоа неказнување ние денес имаме загадени реки, пустошени шуми, уништени јавни добра итн.
Овој народ не ја сака сопствената држава и тоа е факт, но државата мора да најде механизми како да го спречи тој “непријателски однос” према сопствената земја бидејки во спротивно е соучесник и мотив да таквите однесувања да продолжат“, напиша поранешниот советник во кабинетот на градоначалничката на Скопје во објавата на Фејсбук што предизвика лавина од реакции и коментари.