Македонија

Муцунски на чело на висока владина делегација на втора средба во Вашингтон за стратегискиот дијалог меѓу Македонија и САД

Министерот за надворешни работи и надворешна трговија на Република Македонија Тимчо Муцунски престојува во работна посета на Вашингтон, Соединетите Американски Држави, каде што ја предводи високата владина делегација на втората средба за стратегискиот дијалог меѓу двете земји, која ќе се одржи утре.

1 минута за читање

– Стратегискиот дијалог претставува значајна платформа за продлабочување на двостраната соработка и унапредување на партнерството со САД, со насоченост на клучни области од заемен интерес, вклучително одбраната и безбедноста, сајбер-безбедноста и технолошката соработка, економијата, трговијата и енергетиката, како и заедничката борба против транснационалните закани и зајакнувањето на граничната безбедност, стои во соопштението на Министерството за надворешни работи и надворешна тѕрговија на Република Македонија.

Оттаму наведуваат дека со одржувањето на втората средба за стратегискиот дијалог се потврдува континуитетот на сојузништвото меѓу двете земји и заедничката посветеност кон унапредување на стабилноста, безбедноста и просперитетот во регионот и пошироко.

Во емисија „Еуро Фокус“ на Телма телевизија Муцунски претходно истакна дека Република Македонија ќе биде прва земја во Европа која во рамки на оваа администрација ќе има средба за стратегиски дијалог во Вашингтон. Тој изрази очекување дека стратегискиот дијалог ќе отвори сериозни дискусии во областа на одбраната и безбедноста, трговската и економската соработка, како и оти ќе донесе конкретна корист за граѓаните.

Поврзани теми:

топ|актуелно|Министер за надворешни работи Тимчо Муцунски|стратегиски дијалог Македонија-САД|средба во Вашингтон

Најнови вести од: Македонија

Недозволиво е Законот за игри на среќа да се носи набрзина

На дневен ред на пленарна седница е ставен Предлог законот за игри на среќа во прво читање. Се засилува нашиот впечаток дека за некого брзината е поважна од суштината – рече Горан Стоименов, претставник на Асоцијацијата на приредувачи на игри на среќа (АПИС).

Кога Македонија железнички ќе се поврзе со Бугарија?!

Интензивно се гради пругата Скопје – Софија, со 29 мостови и 15 тунели втората делница е градежен и инженерски подвиг, изјави вицепремиерот и министер за градежништво Александар Николовски на обиколката на терен од изградбата на втората делница од пругата од Македонија кон Бугарија.

Трипуновски до СДСМ околу барањето за отповик: Изнесувате политички празни измислици без аргументи, а оставивте пустош во земјоделството

Македонскиот аграр конечно се движи во вистинска насока. Крајно несериозно и парадоксално е да поднесувате интерпелација на министер кој ги поправа вашите катастрофални грешки и штети. Наместо да понудите решенија, конструктивна критика и визија, доставувате текст со празни фрази и евтин популизам, воден од теснопартиски интереси, потенцираа пратениците од ВМРО-ДПМНЕ. „Немојте да изнесувате само политички флоскули дека нешто е катастрофално. Дворот беше премногу валкан и презадолжен – таква ситуација наследивме од вашите седум години власт. Да имавте барем малку доблест да работите домаќински и економски, денеска ќе беше многу поинаква ситуацијата!“ – им порача министерот за земјоделство, шумарство и водостопанство Цветан Трипуновски на пратениците од опозицијата, кои бараат негов отповик.

Силјановска-Давкова од Софија: Проширувањето на ЕУ мора да се темели врз Копенхагенските критериуми

Проширувањето на Европската Унија мора да се заснова врз Копенхагенските критериуми, а темпото на пристапување да зависи исклучиво од напредокот во спроведувањето на реформите, порача претседателката на Република Македонија Гордана Силјановска-Давкова на Самитот на шефови на држави и влади во рамки на Процесот за соработка во Југоисточна Европа (ПСЈИЕ), што се одржува во Софија, пренесе Македонската информативна агенција-МИА.

Муцунски: Заложник сме на некоректна и непринципиелна блокада на нашиот европски пат! Оваа влада не подготвена да преговара за историја, идентитет и јазик!

„Ние сме заложник на една некоректна и непринципиелна блокада на нашиот европски пат. Никој нема интерес од ова што се случува во моментот. Губат двете држави економски, политички, губат и граѓаните, народите на двете држави, кога се создава ваков тип на недоверба“ – истакна денеска во Софија министерот за надворешни работи и надворешна трговија Тимчо Муцунски, кој претпладнево учествуваше на министерскиот состанок на Партнерството за соработка во Југоисточна Европа, а попладнево е дел од македонската делегација на Самитот на шефови на држави и влади која ја предводи претседателката Гордана Сиљановска – Давкова.

Новопоставено и веќе искршено: вандали го демолираа Градскиот парк во Виница

Градоначалникот на Општина Виница Митко Костадиновски информира дека општинските служби констатирале вандалски чин врз новопоставената градска опрема во Градскиот парк. Тој остро го осуди уништувањето на јавниот имот, нагласувајќи дека градската опрема во паркот е наменета за користење од страна на граѓаните и е купена со нивни пари.

Лефков: Специјалниот бугарски пратеник Филипче е подготвен да истурка уставни измени, сметајќи дека така ќе дојде на власт

„Специјалниот бугарски пратеник Филипче е подготвен да истурка уставни измени, сметајќи дека така ќе дојде на власт.“ – истакнува пратеникот од ВМРО ДПМНЕ во денешното обраќање кон јавноста.
Сите вести од Македонија

Најнови вести

To top