Македонија

МВР апелира: Навремено подигнувајте ги готовите лични документи

Процесот на издавање лични документи во управните служби на Министерството за внатрешни работи е целосно оптимизиран и овозможува брзо и едноставно закажување на термини за фотографирање, минимално време на чекање пред шалтерите и експресно изготвување на документите во законскиот рок, а честопати и порано.

Процесот на издавање лични документи во управните служби на Министерството за внатрешни работи е целосно оптимизиран и овозможува брзо и едноставно закажување на термини за фотографирање, минимално време на чекање пред шалтерите и експресно изготвување на документите во законскиот рок, а честопати и порано.

Управните служби при МВР апелираат до граѓаните навремено да ги подигнуваат своите готови лични документи.

Благодарение на спроведената реорганизација и зголемениот капацитет, службите моментално работат со максимална ажурност и ефикасност.

„Пред нас е период кога традиционално се зголемува фреквенцијата на барања поради годишните одмори и пристигнувањето на нашите сограѓани од дијаспората. Со навременото подигнување на вашите готови документи уште сега, директно придонесувате да се задржи овој брз и ефикасен ритам на работа и да се спречи создавање на непотребни гужви и долги редици во пресрет на летниот период“, се вели во апелот на Министерството за внатрешни работи.

Од МВР ги повикуваат граѓаните да ја проверат важноста на своите документи и доколку веќе се фотографирале, навреме да ги подигнат. „Нашите служби ве очекуваат, а навремената реакција е во интерес на сите нас“, се додава во соопштението.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

To top