Македонија

Набавиле хлор пред јавноста да дознае за загадената вода

Истрагата за случајот со загадената вода во Гостивар се проширува, а Обвинителството побарало обемна документација од повеќе институции

2 минути за читање

Меѓу документите што се анализираат се финансиската документација од Општина Гостивар, тендерите за набавка на хлор распишани пред јавноста да биде информирана за епидемијата, наредбите и комуникацијата меѓу Општината и ЈП „Комуналец“, како и извештаите на Центарот за јавно здравје – Тетово, особено оние од 29 јуни и 13 јули, дознава ТВ 24

Дел од документацијата веќе е доставена и се испитува, додека за останатиот дел сè уште се чека. Во рамки на постапката ќе биде извршено и финансиско вештачење, а документите од Општината ќе се споредуваат со оние од ЈП „Комуналец“, ЦЈЗ – Тетово и извештаите испратени до Институтот за јавно здравје.

„Издадени се наредби за прибирање обемна документација од Општина Гостивар, ЈП ‘Комуналец’, гостиварската болница ‘Д-р Ферид Мурад’ и ЦЈЗ – Тетово. Дел од истрагата е насочен кон финансиските извештаи и тендерите, а друг дел кон наредбите и одлуките за поставување на водните пумпи, кои исто така се предмет на вештачење“, наведува извор од истрагата за ТВ24.

Во меѓувреме, резултатите од деветте анализирани примероци од вода пристигнале во Обвинителството, при што само еден примерок – од една чешма – бил исправен.

Министерот за здравство Сашо Клековски во интервју за ТВ24 изјави дека ќе се испитува и дали имало обид случајот да биде прикриен.

Поврзани теми:

Водовод|заггадена|актуелно|вода|епидемија|гостивар

Повеќе на оваа тема:

Најнови вести од: Македонија

(Видео): Скопје испраќа нов амбасадор во Софија

Крум Ефремов ќе биде нов амбасадор во Софија, во тек се подготовките за негово заминување. Продолжуваат разговорите за евроинтеграциите и односите со Бугарија, изјави министерот за надворешни работи, Тимчо Муцунски.

„Да бев богата, ќе им дадов сè што имам“: Ведрана Рудан ја посвети својата најнова колумна на медицинските сестри

Хрватската писателка и колумнистка Ведрана Рудан почина на 76-годишна возраст. Во текот на животот беше препознатлива по остриот, провокативен и често контроверзен стил, а во интервјуата, книгите, колумните и јавните настапи остави зад себе бројни изјави кои и денес се прераскажуваат.

Повеќе забрани или поголеми резултати: Реалноста зад европската статистика за пушењето

Пушењето и алкохолот можат сериозно да го нарушат здравјето и да го зголемат ризикот од хронични заболувања и рак. Сепак, лекарите велат дека не е едноставно да се утврди која навика е поштетна, бидејќи ризикот зависи од количината и зачестеноста.

АХВ е преплавена со многу повици за угинати птици, која советува да не се создава непотребна паника

Агенцијата за храна и ветеринарство (АХВ) е преплавена со повици и пријави за угинати птици. На бесплатната телефонска линија, на електронската адреса и преку други канали пристигнале стотина пријави од граѓани. Од АХВ апелираат да не се создава непотребна паника при појава на поединечна угината птица во урбана средина, вклучително и гаврани и други диви преселни птици, пишува Дојче веле.

Реакција на ВМРО-ДПМНЕ за бомбата во Бардовци: Не е фрлена во домот на полицаецот, СДС нема докази, само шпекулации

ВМРО-ДПМНЕ преку соопштение реагира на прес-конференцијата на генералниот секретар на СДСМ, Александар Саша Димитријевиќ, во врска со инцидентот со експлозивна направа во Бардовци. Од владејачката партија велат дека СДСМ изнел неточни тврдења и шпекулации, посочувајќи дека Министерството за внатрешни работи веќе го објавило инцидентот во својот билтен.

Велешките пожарникари заштитија две села од пожарот, кој од Велес премина во Зелениково и Студеничани

До 13 часот денес, на 18 август 2026 година регистрирани 12 пожари на отворено во Македонија, од кои пет се активни, еден под контрола, а шест се изгаснати. Во овој момент активен е пожарот, кој од Велес премина во Зелениково. Благодарност до велешките пожарникари кои значително го намалија и заштитија две загрозени села. Во Македонски Брод пожарот е значајно намален. Имаме пожар на територија на општина Студеничани село Рамни Габер, но тој е оддалечен и не загрозува ниту едно село, изјави директорот на Дирекцијата за заштита и спасување (ДЗС), Стојанче Ангелов давајќи пладневен преглед за состојбата со пожарите во државата.

Мицкоски: Армијата на Република Македонија е повеќе од униформа, таа е симбол на чест, одговорност и посветеност!

„Честит 18 Август, Денот на Армијата на Република Македонија! Со чест и благодарност им оддаваме признание на сите наши војници, старешини и припадници кои со одговорност и достоинство ја извршуваат својата мисија, во служба на државата, нејзините граѓани и мирот.“ – објави претседателот на Владата на Република Македонија Христијан Мицкоски на својот официјален фејсбук-профил.
Сите вести од Македонија

Најнови вести

To top