Потпретседателот на Владата и министер за транспорт Александар Николоски најави дека наскоро ќе биде пуштена во употреба најтешката делница од 10 километри на автопатот Охрид – Кичево, а целиот автопат треба да биде ставен во функција во мај следната година.
„Очекувам во следните месеци да биде пуштена најтешката делница од 10 километри, каде што има галерии, мостови, вијадукти и каде што е тунелот кој ќе биде најдолг во државата. Едната цевка е долга 2 километри, а другата 2,1 км. Очекувам оваа делница да биде пуштена во следните месеци и со тоа постепено да се комплетира автопатот Охрид–Кичево“, изјави Николоски во „Вести плус“ на ТВ Канал 5.