Собранискиот спикер повторно нема да биде дел од илинденските чествувања. На централната манифестаија во Крушево ќе се обрати потпретседателот на Собранието Антонио Милошоски наместо Гаши, дознава ТВ 24
Тој бил поканет на конференција во Египет за борба против дискриминација кон исламот и проценил дека тоа е побитно и за државата и за Собранието од обраќањето на Илинден во Крушево.
„ Нема никаква тенденција, таман работа. Ќе бидам на службено патување“, изјави Гаши за ТВ 24.
Ова не е првпат собранискиот спикер да не се појави на Илинден , на едно од места на кое ротира со претседателката на државата и премиерот.
Гаши и лани беше отсутен од одбележувањето на Пелинци, тогаш причината беше здравствена, а во негово име се обрати потпретседателката на Собранието, Весна Бендевска.
Од изборот за прв паралемнтарец во 2024 се има појавено само еднаш првата година во Скопје и тоа кога манифестацијата се одржа пред законодавниот дом.
Според годинешнава ротација, во Скопје на споменикот на Методија Андонов Ченто, делегацијата ќе ја предводи шефицата на државата Гордана Силјановска Давкова, додека пак премиерот Христијан Мицкоски ќе биде во Пелинце.
Првиот човек на СДСМ ќе се појави во Крушево, додека пак лидерот на Али Ахмети традиционално ќе ги прескокне чествувањата на 2 август.