Два дена по ред, околу 22:30 часот, иста група млади лица со мотори вандализираат училишен двор во Аеродром.
Насилниците превртуваат контејнери, оштетуваат урбана опрема и оставаат сериозен неред во простор наменет за учениците и граѓаните, објави градоначалникот на Аеродром Дејан Митевски..
Лицата се идентификувани и против нив е поднесена соодветна пријава.
,,За жал, вакво неодговорно однесување е забележано и на повеќе локации низ општината – со уништување на урбана опрема, детски игралишта и други јавни содржини. Затоа, во соработка со МВР, ги засилуваме контролите и надзорот на критичните локации. Таквото однесување нема да биде толерирано. Погледнете го видеото и видете како изгледа неодговорноста која ја плаќаат сите граѓани”, вели градоначалникот Митевски.