Македонија

Не е се така црно во Македонија – Пост инспириран од злобата на Фејсбук (СТАТУС НА ДЕНОТ)

Пост е инспириран од злобата на сите плукачи и хејтери

2 минути за читање

За разлика од огромен број на луѓе кои на социјалните мрежи укажуваат, се жалат или плукаат по негативни појави поранешна новинарка а сега дел од корпоративно миље пишува за позитивни работи што се случуваат во Македонија.

 

Целиот пост во целост:

 

Во нашиов прекрасен град Скопје може и позитивни работи да се случат.

Случај 1.

Втор ден воодушевена (тоа што некаде е нормално можеби) од однос на вработена од јавна институција.

Просто не ми се верува дека има се уште луѓе што си ја сакаат работата. Бркам некои документи, одам по шалтери хаос, однос и на луѓето-чекачи нула, од вработените кога-како, кнап со време, и ми вели таа на шалтер извади си електронски, наместо 5 дена за 1 час ќе го добиеш.

Половина ден го поминав обидувајќи се влезам на услуги.гов.мк, веб-страница што не сум ја користела којзнае од кога, измалтретирав пријателки, и на крај совет да ѕвонам во Министерство за дигитална трансформација. Искрено, до вчера не ни знаев дека постои.

ВЕДНАШ ми се јави девојче на централа и веднаш ме префрли до админстраторката која 40 мин ја “удавив” дур не ми помогна да го решам проблемот. За тоа време деца по дома викаат, бараат кој лижавче кој чоколадо кој сака играчка…јас само се извинувам….а таа ама не се секирајте, ќе завршиме. Еднаш глас не повиши, љубезна, трпелива, насмеана, уште и проблеми со софтверот на домашниот лап-топ ми реши – девојче чудо. Дури на крај ја прашав како се вика, па еве до Радмила од Министерство за дигитализација (по нашки) нааааајголема благодарност.

Случај 2.

Новите простории на МВР во МРТВ…. Конечно да се чувствуваш човек кога одиш по документи. Прво средено, убаво дизајнирано, мебел, шалтери, КЛИМАТИЗИРАНО, љубезни вработени….ко во друг свет да влегов. Колку малку треба за работите да врват.

Случај 3

И веројатно најубавото е европскиот младински олимписки фестивал. А бре убавина на сите страни, весели, среќни, возбудени деца, енергија од нив блика, возбуда, спорт, еден куп јазици и сите се разбираат на свој…..штета само што толку малку му обрнаа внимание во јавноста. Навистина штета.

 

Постов е инспириран од злобата на сите плукачи и хејтери што утрово ги прочитав на ФБ.

Поврзани теми:

топ|Не е се така црно во Македонија

Најнови вести од: Македонија

Владина делегација на средби во УНЕСКО – Ќе има ли договор за заштита на Охридскиот Регион?!

Во фокусот на разговорите беше состојбата на Охридскиот Регион како природно и културно светско наследство, при што беше нагласена важноста од континуирана и навремена имплементација на препораките за заштита, со цел зачувување на неговиот статус на Листата на светско наследство.

Ревизијата откри куп пропусти во ДСЗИ – Какви играчки и козметика се продаваат во продавниците?!

Дали и кој може да гарантира дека на рафтовите во продавниците има безбедна козметика и играчки за децата. Во Македонија има листа на забранети супстанци но таа е од 2010 и досега не е ревидирана. Тоа остава простор за соменвање дека штетни и опасни материи по здравјето можеби ги има во дел од овие производи, констатирал Државниот завод за ревизија кој и утврдил дека во државата нема ниту соодветна лабораторија за роверка на забранети супстанци.

(Видео): Министерот за внатрешни и премиерот прикажаа дел од запленетата дрога

Запленетите количини, Тошковски рече дека во моментов се складирани во простории на МВР и ќе служат како доказен материјал во постапката што се води во соработка со Основното јавно обвинителство за гонење организиран криминал и корупција (ОЈО ГОКК). Тој рече дека се преземаат сите потребни чекори за да може да се утврди фактичката состојба и да се расветли овој случај.

(Видео): ССМ притиска, премиерот обвинува за политиканство, СДСМ ги поддржува протестите за повисоки плати

Блокирано Собрание – разбранувани работници. Малите плати повторно ги извадија синдикатите и работниците на улица. Премиерот Христијан Мицкоски гледа политичка заднина во протестите.

„Политичарите се како гулабите, кога се долу јадат од рака“ – блокада на Собранието

Од девет часот утринава, двата влеза за коли во Собранието беа блокирани од членовите на Сојузот на синдикатите на Македонија, за да не можат пратениците да земат патни трошоци за кои, според претседателот на Синдикатот,Трендафилов, наплаќаат како да трошат керозин. Работниците особено се лутат на народните избраници зашто две години го блокираат предлогот од ССМ за зголемување на работничките плати, односно за зголемување на минималната плата и на сите други плати.

Полицијата спречи оружен инцидент – запленети пушки, пиштол и муниција

На 08.02.2026 во 10:15 часот кај месноста „Црници“ во атарот на село Степанци, општина Чашка, полициски службеници од Полициското одделение во Чашка ги лишиле од слобода В.К.(57), И.Т.(51) и Б.Н.(77), сите од Прилеп.

Триесет години од атентатот врз претседателот Глигоров: Многу прашања останаа неодговорени

Триесет години по атентатот на првиот претседател на самостојна Македонија Киро Глиговор се бараат одговори на четири клучни прашања: кои беа причините и мотивите за атентатот, кои се можните нарачатели и извршители, дали можеше и зошто не беше превениран атентатот и зошто државните органи во изминатите три децении не дадоа одговор на овие прашања. Дел од учесниците на денешната научна и стручна конференција „Триесет години од атентатот врз Киро Глигоров, претседател на Република Македонија и врховен командант на АРМ“, сметаат дека мотивите се политички и дека целта била земјата да го смени правецот на „движење“.

Возеле и без дозвола и со забрана за возење: уапсени 11 лица, одземени им се возилата

Во текот на вчерашниот ден биле уапсени дури 11 лица кои возеле автомобил, иако не исполнувале услови. Како што соопшти Министерството за внатрешни работи, овие 11 возачи се лишени од слобода поради возење со активна забрана за управување возило, без возачка дозвола или под дејство на алкохол.
Сите вести од Македонија

Најнови вести

To top