„Не сме се откажале од ништо што е бенефит за Македонија“, одговори денеска министерката енергетика, рударство и минерални суровини Сања Божиновска, на новинарско прашање дали Владата се откажала од проектот „Вардарска долина“ на сметка на изградбата на брзата пруга на Коридор 10, пренсе МИА.
По повод една година од основањето на Министерството, Божиновска истакна дека во изминатата година изградиле институција што ја движи енергетиката, а особено го истакна значењето на новиот Закон за енергетика.
Донесен е десетгодишен план за развој на преносната мрежа, воведена е методологија за енергетска сиромаштија, обезбедена е забрана за исклучување на струја во зимските месеци за ранливите домаќинства.
Исто така, лани 7000 семејства добиле ваучери за инвертер клима уреди, а годинава ќе бидат обезбедени 60 милиони денари за поддршка на лицата со попреченост и нивните семејства.
Во првиот квартал од годинава наплатени биле 247 милиони денари за експлоатација на минерални суровини, двојно повеќе од лани.
Една година по основањето Министерството има 109 вработени, 53 жени и 56 мажи.