Директорот на Бирото за јавна безбедност при МВР, Александар Јанев денеска оствари работни посети со раководствата на СВР Охрид и ОВР Кичево.
Целта на посетите е унапредување на сигурноста и заштитата на граѓаните а полициската да остане цврст и доверлив партнер во битката со сите видови на прекршувања и криминал.
„Разговаравме за сите аспекти од секојдневното полициско постапување, со осврт на борбата против криминалните појави на ова подрачје. Фокусот беше и на модернизацијата на работата преку дигитални алатки, кои ја прават полициската работа поефикасна, потранспарентна и поблиска до граѓаните. Зајакнувањето на интегритетот на полициските службеници и службената координација се неопходни за да ја одржиме довербата и сигурноста што граѓаните ја очекуваат. Една од клучните теми беше подготовката и превентивните активности за локалните избори 2025 година. Нашата должност е јасна полицијата е еден од гарантите на мирен, безбеден и демократски изборен процес. Нема да се дозволи ниту еден обид за нарушување на јавниот ред, насилство или незаконитост во предизборието, на денот на изборите и во постизборниот период.“, издвои директорот Јанев.
Директорот Јанев уште еднаш потенцираше дека пораката која полицијата ја праќа е интегритет, превенција и решителност и секој кој ќе се обиде да ја загрози безбедноста на демократскиот граѓански процес ќе се соочи со брза и одлучна реакција.
