Оваа акција, која веќе прераснува во традиција, повторно е предупредување дека е потребна посериозна грижа и заштита на Охридското Езеро. И покрај редовните активности на нуркачите, состојбата не се менува: отпадот и натаму завршува на езерското дно.
Охридското Езеро е едно од најстарите езера во Европа и се одликува со исклучително богата биолошка разновидност, вклучувајќи бројни ендемични видови, кои претставуваат природно богатство од непроценливо значење.
Чистењето на езерото е неопходно, но спречувањето на загадувањето е уште поважно. Повременото извлекување на отпадот од водата не може трајно да го реши проблемот, ако не се преземат мерки да се спречи негово повторно фрлање.
Заштитата на Охридското Езеро не смее да биде само обврска на нуркачите и институциите, туку одговорност на сите, што живеат покрај него и кои го посетуваат.