Македонија

Newsmax Balkans отвора студио во Скопје

По проширувањето на дописничката мрежа во регионот и отворањето на студија во Сараево и Подгорица, Newsmax Balkans од понеделник, 28 јули, започнува со работа и во Скопје

1 минута за читање

По проширувањето на дописничката мрежа во регионот и отворањето на студија во Сараево и Подгорица, Newsmax Balkans од понеделник, 28 јули, започнува со работа и во Скопје, со ново дописничко студио во главниот град на земјата.

Во изминатите недели, гледачите имаа можност преку директни вклучувања на репортери од македонските градови да се информираат за актуелните случувања во земјата. Отворањето на студиото во Скопје ќе ја зајакне локалната покриеност и ќе овозможи подлабоко известување за темите што ги засегаат македонските граѓани.

Новото студио ќе се приклучи кон продукцијата на регионалната емисија „Ставот на регионот“, која ќе ги опфаќа најважните политички, економски и социјални прашања во земјата и регионот. Уредник и водител на емисијата „Ставот на регионот“ од студиото во Скопје ќе биде Предраг Кукиќ.

Емисијата ќе се емитува во работни денови од 19:30 часот и ќе се менува со регионалната емисија „Ставот на регионот: Подгорица“, која ја реализира тимот на Newsmax Balkans од Црна Гора.

Newsmax Balkans продолжува да ја проширува својата дописничка мрежа со цел да обезбеди навремени и квалитетни информации од целиот Балкан.

Најнови вести од: Македонија

Триесет години од атентатот врз претседателот Глигоров: Многу прашања останаа неодговорени

Триесет години по атентатот на првиот претседател на самостојна Македонија Киро Глиговор се бараат одговори на четири клучни прашања: кои беа причините и мотивите за атентатот, кои се можните нарачатели и извршители, дали можеше и зошто не беше превениран атентатот и зошто државните органи во изминатите три децении не дадоа одговор на овие прашања. Дел од учесниците на денешната научна и стручна конференција „Триесет години од атентатот врз Киро Глигоров, претседател на Република Македонија и врховен командант на АРМ“, сметаат дека мотивите се политички и дека целта била земјата да го смени правецот на „движење“.

Возеле и без дозвола и со забрана за возење: уапсени 11 лица, одземени им се возилата

Во текот на вчерашниот ден биле уапсени дури 11 лица кои возеле автомобил, иако не исполнувале услови. Како што соопшти Министерството за внатрешни работи, овие 11 возачи се лишени од слобода поради возење со активна забрана за управување возило, без возачка дозвола или под дејство на алкохол.

Македонија со подобрена позиција во поглед на индексот за корупција споредено со 2025

Во споредба со претходната година кога беше на 88 место, Македонија годинава се помести 4 места погоре. Во извештајот за 2025 година, објавен денеска, 10 февруари, македонската држава доби 40 поени. На индексот за корупција на Транспаренси Интернешенел од 182 земји, кај кои е измерен Индексот на корупцијата, Транспаренси интернешенел ја рангира Македонија на 84 место.

Откако констатирала смрт, екипа на Итна помош добила закани на Бит Пазар

На 10.02.2026 година околу 02:45 часот, во СВР Скопје од Итна медицинска помош било пријавено дека при интервенција во куќа на подрачјето на Бит Пазар во Скопје, биле упатени закани кон медицинскиот персонал.

Петрушевски: Со шверцот на марихуана на „црниот пазар“ Заев и Филипче ја направија Македонија „Колумбија на Балканот“!

„Каде е менторот Зоран Заев, таму е и чиракот Венко Филипче, кој дословно го учи занаетот од него. Каде има криминал, корупција, па и производство и шверц на дрога, таму е и Заев. Бизнисот со марихуана, кој наместо за медицински цели, завршувал на црниот наркопазар, поминувал со аминување на Заев и Филипче. Со ова Македонија ја направија ‘Колумбија на Балканот’.“ – нагласува Бране Петрушевски, пратеник во Собранието од ВМРО ДПМНЕ, во денешното обраќање до јавноста.

Дурловски против Фрчковски: Секој обид за „висока мисла“ за Заев завршува како пародија

Оперскиот уметник и јавен коментатор Игор Дурловски со остра реакција на социјалните мрежи го критикуваше јавниот дискурс поврзан со поранешниот премиер Зоран Заев, посочувајќи дека станува збор за длабока морална и интелектуална празнина во која, како што наведува, секој обид за „висока мисла“ завршува како пародија.
Сите вести од Македонија

Најнови вести

To top