Тука работата ќе заврши уште во првиот круг, ќе славиме голема победа за градоначалник и голема победа за мнозинство во совет, порача од Ново Село потпретседателот на ВМРО-ДПМНЕ, Александар Николоски.
Тој искоментира одредени изјави кои деновиве доаѓаат од страна на нивниот политички противник – опозицијата.
-Имајќи предвид дека се крајно очајни, дека се свесни дека ова ќе биде историски најголем пораз кој што им се случил како СДСМ, ги фати паника уште пред да почне кампањата и водат црна кампања уште од првиот ден. Поцрна кампања скоро и да не сме виделе. Во таа црна кампања на очај, немаат што да кажат за Владата, министрите, ВМРО-ДПМНЕ, па почнаа да измислуваат. Така, Венко Филипче нашол договор во Железница, на цена од 45.000 евра, а тие сумата не ја кажуваат, Венко толку троши за јахтата за 5 дена, па велат тоа шт го правеле тие било добро затоа што и ВМРО-ДПМНЕ со истата компанија потпишала договор. Се фатија за Железница која ја оставија минатата година опустошена, преку 3000 луѓе беа без плата, имавме нула функционални локомотиви и патнички возови. Денес имаме нормализиран сообраќај и се бориме за подобро, рече Николоски.
Николоски зборуваше како Филипче и понатаму се фали дека е во комуникација со Артан Груби, а се фали и дека е голем пријател на Зоран Заев. Според него обвинителството треба да истражи како лидер на опозиција е во комуникација со бегалец од правдата. Николоски посочи дека зборувањата на Филипче за договор што направила Железница се смешни, бидејќи двете претпијатија од Железници ги оставија уништени, а вработените без плата.
,,Венко Филипче вчера, нашол еден договор во Железница на цели 45 илјади евра, внимавајте сумата не ја кажуваат, затоа што 45 илјади евра, Венко за јахтата троши отприлика за 5 дена, ако прави подолга дестинација или побрзо ја вози за 3 отприлика одат само за бензин“, кажа Николоски и додаде:
„Истиот тој случајно, или не се фали дека е голем пријател на Зоран Заев и еден од ретките којшто комуницира со Артан Груби. Па ако не истражуваат за начинот на којшто работеле во минатото, еве од обвинителството, нека истражат како е тој човек во комуникација со бегалец од правдата. Мислам дека час поскоро, минута поскоро после ова што го кажувам треба да го повикаат, барем на разговор во обвинителството, затоа што помагање на бегство е исто така кривично дело“.
Николоски се осврна и на периодот кога Венко Филипче беше министер за здравство. Според него, СДС комплетно го уништи здравствениот систем во земјата, и го доведе целосно во колапс, притоа злоупотребувајќи ја ковид кризата, за свои лични финансиски интереси.
„Целосно го уништија здравството, здравство кое што беше целосно во колапс и на колена. Ја злоупотребија најголемата криза, корона кризата. Кога луѓе умираа секој ден за да вршат набавка на вакцини по три пати поскапи цени преку компанија за јужно овошје, наречена Стабри од Хонг Конг. Купуваа заштитна опрема по 10 пати повисока цена од она што беше реално. И последни, последни во цел регион обезбедија заштита на народот, мораше да чекаме донации од соседни држави за да почне народот да се спасува“, вели Николоски.
Како што вели тој, СДС ја опустоши целата држава, а со цел да се заштитат самите правеа национални предавства. Тој повика и на масовна излезеност на претстојните локални избори, со цел конечно да се стави крај на бандата на СДС.
,,Се работи за најголемата криминална банда воопшто видена во македонската политика. Се работи за луѓе кои што ја опустошија цела држава, а за да се заштитат себе правеа национални предавства. И затоа ни е потребна една голема мобилизација на овие избори. Масовно да се излезе на 19 октомври, да гласаме за број 9 и да победиме уште во првиот круг, за да ставиме конечен крај на оваа банда“ заклучи Николоски.