Македонија

Николоски во Стејт департментот: „САД се стратешки партнер број еден на Македонија“

Вицепремиерот и министер за транспорт и комуникации Александар Николоски во Вашингтон оствари значајни работни средби во Стејт департментот, каде што со висок американски претставници разговараше за зајакнување на стратешкото партнерство меѓу Република Северна Македонија и Соединетите Американски Држави.

Вицепремиерот и министер за транспорт и комуникации Александар Николоски во Вашингтон оствари значајни работни средби во Стејт департментот, каде што со висок американски претставници разговараше за зајакнување на стратешкото партнерство меѓу Република Северна Македонија и Соединетите Американски Држави.

На средбата со Даниел Лоутон, заменик-помошник државен секретар задолжен за Европа, беше истакнато дека САД остануваат стратешки партнер број еден на Македонија – држава што досега најмногу ја поддржувала нашата земја во политички, економски и безбедносни аспекти. Разговорите се фокусираа на меѓусебната поддршка, заедничката посветеност кон демократските вредности и на создавање нови можности за економска и трговска соработка.

„САД се стратешки партнер број еден на Македонија, држава којашто најмногу ја поддржува Македонија и зборувавме за заедничката економска и политичка соработка. Со заменик помошникот државен секретар Лоутон разговаравме и за соработката во НАТО во овие предизвикувачки времиња, како и за заедничките операции што ги водиме. Зборувавме за економската соработка, пред сè во делот на енергетската транзија и за изградбата на пан-европските коридори 8 и 10 кои поминуваат низ Македонија и се од витално значајни за економијата и безбедноста на нашата држава“, изјави Николоски по средбите.

Тој додаде дека биле отворени и теми за продлабочување на соработката во иднина, вклучително и повторно активирање на стратешкиот дијалог меѓу двете земји, каде што ќе се разговара за заедничките предизвици во безбедносен, енергетски и економски контекст.

„Тука е и трговскиот договор што треба да овозможи многу повеќе бизнис, многу повеќе трговија помеѓу двете држави и секако, стратешкото партнерство, кое што треба да значи просперитет, напредок, безбедност и прозападни вредности на Македонија“, нагласи вицепремиерот.

Посетата на Вашингтон продолжува со учество на глобалниот форум „Transforming Transportation 2026“, каде што Николоски ќе се обрати на учесниците и ќе ги презентира приоритетите на Македонија во областа на транспортната инфраструктура, енергетската транзиција и поврзувањето преку пан-европските коридори.

Овие средби се дел од напорите за унапредување на билатералните односи во време кога Северна Македонија ја зацврстува својата позиција како доверлив сојузник во НАТО и како клучна точка на поврзување во југоисточна Европа.

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top