Користејќи го механизмот на ,,Допрен глас” Јавното обвинителство на Македонија може да го повика екс градоначалникот на Скопје Петре Шилегов да ги сподели информациите за постоење на криминал и користење на наркотици од страна на функционери на СДСМ.
Пред неколку дена откако беше избркан од партијата затоа што побара одговорност за неуспесите тој објави дека има информации за користење на психотропни супстанци и за сомнително заработени пари.
,,Утре ќе го имам коментарот, од должна почит кон луѓето кои го загубија животот на денешен ден. Не мислам дека сега е моментот политички, а имам што да кажам за психотропните супстанци на одредени лица и парите што така лесно ги имаат заработено во изминатиот период”, рече Шилегов.
Изјавата на Шилегов е особено податлива за да биде извор на информации за обвинителство затоа што тој е човек од внатрешните највисоки кругови на партијата и има директни информации за случувањата, тврдат извори кој се упатени во можноста Шилегов да биде повикан во Јавното обвинителство.
Шилегов и како адвокат точно знае за тежината на неговите зборови кога се работи за можен криминал поврзан со на дроги и финансиски трансакции.
Засега не може да се претпостави дали Шилегов би можел да биде заштитен сведок доколку соработува со јавното обвинителство.