Две лица од Прилеп и едно од Македонски Брод се лишени од слобода откако кај нив е пронајдена дрога, а еден охриѓанец е приведен поради поседување оружје без дозвола, објави Министерството за внатрешни работи.
Вчера во 14:17 часот полициски службеници од ОВР Прилеп ги лишија од слобода И.П. (22) и С.Т. (19), двајцата од Прилеп.
Врз основа на Наредба од Основен суд Прилеп, полицајците извршија претрес во домот на И.П., при што пронајдена и одземена е марихуана, а затекната била и С.Т., кај која при преглед била пронајдена прашкаста материја.
Полициски службеници од ОВР Македонски Брод, пак, вчера во 17:05 часот го лишија од слобода С.В. (22) од Македонски Брод, кај кој при претрес во неговиот дом со Наредба од Основен суд Кичево пронајдена и одземена била грутчеста материја, марихуана, шише со течна материја и хартија за тутун.
Вчераутро во 09:00 часот полициски службеници од СВР Охрид од слобода го лишија З.Ј. (48) од Охрид. При претрес во неговиот дом, извршен по судска наредба, пронајдени и одземени се пиштол „црвена застава“ калибар 7,65 милиметри и куршуми и една пушка калибар 4,51 милиметри кои нелегално ги поседувал.