Обединетата македонска организација „Илинден“ – Благоевград на Мешовитата комисија за историски и образовни прашања ѝ предлага Бугарија и Македионија заеднички да го чествуваат проголасувањето на културната автономија на Пиринска Македонија.
„ОМО ‘Илинден’ – Благоевград, како организација која се залага за заштита на културните и историските права на Македонците во Бугарија, го поднесува следниов официјален предлог до заедничките историски комисии на двете држави и двата народа:
Во официјалниот календар на заеднички чествувања помеѓу Република Бугарија и Република Македонија да биде вклучен настанот од 9–10 август 1946 година – прогласувањето на Културната автономија на Пиринска Македонија.
Овој настан претставува важен, иако краткотраен, чекор кон признавање на идентитетот и културните права на македонското население во Пиринскиот крај.
Неговото заедничко одбележување би било израз на добра волја, демократско разбирање на историјата и почит кон различноста на Балканот.Ги повикуваме историските комисии да пристапат со храброст, историска одговорност и човечко достоинство и да го вклучат овој настан во заедничката историска меморија на двата народа.
Историјата не треба да разделува – таа треба да обединува“, се вели во предлогот.