Македонија

Опаѓа бројот на македонски граѓани што добиваат бугарско државјанство

Лани пасош на Бугарија добиле околу 1.700 Македонци, кои паднале на четвртото место во последните две-три години

1 минута за читање

Во последните две-три години опаднал бројот на граѓани на Македонија што стекнале државјанство на Бугарија, заостанувајќи зад тие на Украина, Турција и Молдавија, покажува отчетот на Комисијата при потпретседателката Илијана Јотова.

Бројот на Македонци што добиле бугарски пасош минатата година не е прецизиран, освен дека станува збор за околу 1.700 лица, со што од врвот на странски граѓани што станале државјани на источниот македонски сосед паднале на четвртото место.

Во 2024 година лидери во тој поглед се Украинците со 2.436 добиени државјанства на Бугарија, пред Турците со 2.163 и Молдавците со 1.887.

Веднаш зад Македонците се државјаните на Албанија со 1.328, потоа на Србија, на Русија, на Израел, на Сирија итн., а најдалечната држава е Аргентина со 108.

Во првата половина од годинава нови Бугари станале 6.581 странци, а од 2019 година до 30 јуни 2025 бројот достигнал 87.305.

Поради зголемениот интерес, кон крајот на јуни Владата во Софија десеткратно ја зголеми таксата за добивање или за обнова на бугарското државјанство – од 30 на 300 лева (над 150 евра).

Поврзани теми:

Илијана Јотова|бугарско државјанство|македонски граѓани

Повеќе на оваа тема:

Најнови вести од: Македонија

Влада: Не знаеме кого чекал Трендафилов во празна сала, премиерот ќе има средба со синдикатите в четврток

Претседателот на ССМ, Слободан Трендафилов, оцени дека е добро што премиерот го прифатил барањето на УПОЗ за зголемување на платите во управата и правосудството по речиси една година протести на работниците од овој сектор, но додаде оти денеска требало да се зголемат и платите на вработените во управата за 40 отсто.

Осигурителната компанија „Tриглав Осигурување АД“ со огромен раст на добивка

Триглав Осигурување АД, Скопје во претстојниот период очекува понатамошно профитабилно, безбедно и одржливо работење. Планираната премија во 2026 година изнесува 1.960 милиони денари, односно раст од околу 15 отсто во однос на 2025 година. Добивката се очекува да изнесува околу 75 милиони денари – стои во извештајот.

Сали: Во тесна соработка со европските партнери Македонија чекори сигурно и стабилно кон интеграцијата во ЕУ

„Во рамките на официјалната посета на Брисел, остварив важна средба и со Директорката за Западен Балкан Валентина Суперти. Разговаравме за напредокот на С.Македонија во Агендата за реформи и Планот за раст, со фокус на владеење на правото, дигитализација и јавна администрација. Сигурен сум дека со тесна соработка со нашите европски партнери С.Македонија чекори со сигурни и стабилни чекори кон интеграцијата во Европската унија.“ – објави првиот заменик-претседател на Владата и министер за европски прашања Беким Сали на својот официјален фејсбук-профил.

Манасиевски: Трендафилов одбива зголемување на платите на административците за 40 % по насока на СДС и Левица!

„Избраникот на СДС кој беше наместен преку Јованка Тренчевска за претседател на ССМ, Слободан Трендафилов, и ден денес продолжува да работи за СДС, а не за интересот на работниците. Трендафилов одбива да им се зголемат платите на работниците во јавниот сектор, затоа што мора да возврати на СДС кои го поставија за претседател на ССМ. Тој заедно со неговите другари ја продолжија послушноста кон СДС, која ССМ ја има историски.“ – нагласи денес Валентин Манасиевски од ВМРО ДПМНЕ.

Градоначалникот на Ниш спречи филмски грабеж во аптека: На напаѓачот му ги одзел мачетата и лажниот пиштол

Според објавата на порталот на Инстаграм, вооружен напаѓач влегол со пиштол и со мачета барајќи пари. Инцидентот завршил без повредени, откако Павловиќ реагирал и го разоружал напаѓачот.
Сите вести од Македонија

Најнови вести

To top